Հուրգադա քաղաքում տեղի ունեցած հանցագործության դրդապատճառներն առայսօր պարզ չեն։ Այս մասին հայտնել է Եգիպտոսի պետական անվտանգության գերագույն դատախազության ներկայացուցիչը, որը զբաղվում է գործի քննությամբ։ Այս մասին հայտնում է TASS-ը:
«Հանցագործության դրդապատճառներն ու հանգամանքները, որի հետևանքով զոհվել ու վիրավորվել են օտարերկրյա զբոսաշրջիկներ, առայսօր հայտնի չեն»,- ասել է նա,- հետաքննությունը շարունակվում է»։
Նա դիմել է լրատվամիջոցներին՝ խնդրելով «լուրերի մրցավազք չկազմակերպել, եզրակացություններ չկանխատեսել ու չփորձել գուշակել, թե ինչ արդյունքների է հանգելու քննությունը»։
Դատախազության հայտարարության մեջ ասվում է, որ «հանցագործի անձը ու նրա գոծունեության տեսակը հստակեցվում են»։ Հստակեցվում է նաև, թե «արդյոք այդ հարձակումը անհատական գործողություն է եղել, քրեական արարք, ահաբեկչական հարձակո՞ւմ, թե՞ ուրիշ տեսակի հանցագործություն»։ «Հանցագործին այդ չարագործությանը դրդած պատճառները մանրակրկիտ ու մանրամասն ուսումնասիրվում են քննիչների կողմից»,- հավելել են պետական անվանգության դատախազությունում։
Ավելի վաղ հանցագործը քաղաքային դատախազությոնից փոխանցվել է երկրի պետական անվտանգության գերագույն դատախազությանը ու արտահանձնվել Կահիրե։ Գործի հետաքննությունը շարունակվում է Կահիրեում։
Հիշեցնենք, որ նախօրեին Եգիպտոսի Հուրգադա քաղաքի հյուրանոցներից մեկում հանցագործը դանակով հարձակվել էր օտարերկրացի զբոսաշրջիկների վրա։ Հարձակման հետևանքով սպանվել են Գերմանիայի երկու քաղաքացիներ, վիրավորվել Հայաստանի երկու քաղաքացիներ, Չեխիայի ու Ռուսաստանի մեկական քաղաքացիներ։ Բոլոր տուժածները կանայք են։
