Ազգային ժողովը քննարկում է 2016թ. Մարդու իրավունքների պաշտպանի գործունեության մասին հաղորդումը:
«Աշխատանքային իրավունքների հետ կապված, այո, մենք ունենք խախտումների դեպքեր: Խնդիրը նրանով է պայմանավորված, որ մենք չունենք արդյունավետ արտադատական համակարգ»,- ասաց հիմնական զեկուցող՝ Մարդու իրավունքների պաշտպան Արման Թաթոյանը՝ հավելելով, որ Աշխատանքի տեսչության լուծարումը սխալ լուծում էր:
Ի պատասխան ԱԺ փոխնախագահ Միքայել Մելքումյանի դիտարկման՝ փաստորեն ձեր կարծիքը տարբերվում է կառավարության կարծիքից՝ կապված բիզնես օմբուդսմենի ոլորտի հետ, Արման Թաթոյանն ասաց. «Չի կարող ստեղծվել որևէ մարմին, որը կկրկնի մյուսի լիազորությունները: Չի կարող որևէ մարմին փոխարինել մյուսին: Հակառակ դեպքում կխախտվի անձի՝ Մարդու իրավունքների պաշտպանին դիմելու իրավունքը, որովհետև դա հանգեցնելու է շփոթության և խոչընդոտելու է սահմանադրական գործառույթների իրականացմանը: Ես այս հարցում կառավարությանը դեմ եմ և ներկայացրել եմ մեծածավալ վերլուծություն»:
Մանրամասները՝ տեսանյութում: