ԵԱՏՄ-ից մեր սպասումները շատ մեծ էին. ԵԱՏՄ-ին անդամակցության երկու տարիներն ամփոփելուն նվիրված միջոցառմանն ասաց ՀՀ փոխվարչապետ, միջազգային տնտեսական ինտեգրման և բարեփոխումների նախարար Վաչե Գաբրիելյանը։
Նրա խոսքով՝ ԵԱՏՄ անդամ երկրներին հանդիպող խնդիրներն ու արգելքները պետք է քննարկել՝ կոնկրետ առաջարկներ ու հետևություններ անելով:
Փոխվարչապետի խոսքով՝ դեռ վաղ է խոսել, որ կան շատ ցածր միտումներ կամ ամեն ինչ ավարտված է ինտեգրացիոն գործընթացների համատեքստում:
Նախարարի խոսքով՝ երկու տարում Հայաստանի ռեսուրսն ընդլայնվել է, ներկրվող ապրանքները գները՝ նվազել։ Սակայն մի շարք ցուցանիշներ կան, որոնք վերաբերում են դեռ առկա պատնեշներին, տնտեսական աճին, առաջընթացին, որն այնքան էլ ակնհայտ չէ։ Այդ ամենը պետք է քննարկել ու նշել ուղղությունները, որոնց շուրջ պետք է աշխատել։ Գաբրիելյանի հավաստմամբ՝ գոյություն ունի հսկայական, դեռ չօգտագործված պոտենցիալ։
Բելառուսի դեսպան Իգոր Նազարուկի խոսքով՝ ԵԱՏՄ-ին ՀՀ-ի անդամակցությունը դրական ազդակ է հաղորդել Հայաստանի և Բելառուսի երկկողմանի հարաբերություններին, այդ թվում՝ տնտեսության ոլորտում։