Հայաստանի պետական տնտեսագիտական համալսարանի ուսանողները մինչ այժմ կրթաթոշակ չեն ստացել: Օրերս մենք տեղեկացրել էինք, որ «Արարատ» բանկի, որի պլաստիկ քարտերով են ուսանողները ստանում իրենց կրթաթոշակները, պլաստիկ քարտերի վարչությունից տեղեկացրել էին, որ բուհը արդեն երկու ամիս է՝ չի փոխանցել կրթաթոշակները: ՀՊՏՀ-ի գլխավոր հաշվապահ Արարատ Պետրոսյանը մեզ տեղեկացրեց, որ այսօր արդեն փոխանցումը կատարված է. «Կրթաթոշակների մասին հրամանը ուշ է հասել, քանի որ ուսումնական տարին նոր է սկսվել, որոշ ուշացումներ հնարավոր են, հետագայում նման խնդիրներ էլ չեն լինի»:
Նկատենք, որ կրթաթոշակ ստացողների անունները և դրա հետ առնչվող ռոտացիոն գործընթացը կատարվում է սեպտեմբերին, և ամենաուշը հոկտեմբերի սկզբին պետք է պատրաստ լինեին բոլոր փաստաթղթերը:
«Արարատ» բանկի պլաստիկ քարտերի վարչությունից հաստատեցին, որ այսօր ՀՊՏՀ-ից փոխանցումներ եղել են:
Ուրեմն, վաղը տնտեսագիտականի ուսանողները վերջապես կարող են ստանալ իրենց կրթաթոշակները:
