Սեպտեմբերի 22-ն Ամերիկյան բիզնես-լեդիի օրն է, հայտնում է spletnik.ru-ն: Աստղերից ով կարող է հպարտանալ այս կոչմամբ:
Օփրա Ուինֆրի
Աշխարհի միակ աֆրոամերիկացի միլիարդատիրուհին, աշխարհի ամենաազդեցիկ աստղերից մեկը ունի մեկ ամբողջ հեռուստաալիք՝ The Oprah Winfrey Network: Նա նաև ղեկավարում է մեծ հաջողությունների հասած Harpo Productions պրոդյուսերական ընկերությունը, ունի սեփական կինոստուդիա, ամսագիր, ռադիոցանց և հանրահայտ Oprah.com ինտերնետային կայքը: Ուինֆրին իր բիզնեսի շնորհիվ վաստակել է մոտ 2,8 մլրդ դոլար:
Ջեսիկա Ալբա
Սերն առողջ ապրելակերպի նկատմամբ Ջեսիկա Ալբային դրդել է հիմնել The Honest Company անվանումով ընկերությունը, որը վաճառում է էկոլոգիապես մաքուր ապրանք՝ երեխաների և տան համար:
Գվինեթ Փելթրոու
Գվինեթ Փելթրոուն ոչ միայն նկարահանվում է ֆիլմերում, գրում խոհանոցային գրքեր, այլև բիզնես ունի: Նրա Goop ինտերնետ-կայքն օգտակար խորհուրդների կայք է, միաժամանակ՝ օնլայն խանութ:
Դրյու Բերիմոր
Նրա մասնակցությամբ ֆիլմերից շատերը հեղինակել է նրա սեփական պրոդյուսերական ընկերությունը՝ Flower Films-ը:
Սանդրա Բալոք
Մոլորակի ամենաբարձր վարձատրվող դերասանուհիներից մեկը ռեստորանային բիզնես ունի: Նրանն է Bess Bistro ռեստորանը՝ Տեխասում, նա նաև Walton’s Fancy and Staple սրճարանի համասեփականատերն է:
Իվանկա Թրամփ
Միլիարդատեր Դոնալդ Թրամփի դուստրը Trump Organization ընկերության փոխնախագահն է, կարելի է ասել՝ նա հոր աջ ձեռքն է: Վերջերս 31-ամյա Իվանկան շատ ժամանակ է հատկացնում իր սեփական նախագծին՝ Ivanka Trump ոսկյա իրերի ապրանքանիշին:
Գվեն Ստեֆանի
Գվեն Ստեֆանին հագուստի L.A.M.B. ապրանքանիշը թողարկել է 2003-ին: Լրագրողների հաշվարկով՝ այն բերում է 90 մլն դոլար եկամուտ:
