ՀՀ ազգային վիճակագրական ծառայության գների վիճակագրության և միջազգային համադրումների բաժնի պետ Գուրգեն Մարտիրոսյանն այսօր լրագրողներին ներկայացրեց վերջին հնգամսյակում գնագոյացման և գնաճի պատկերը:
Ըստ այդմ՝ նախորդ տարվա դեկտեմբեր-մայիս ամիսների համեմատությամբ, հանրապետության սպառողական շուկայում արձանագրվել է 5% գնաճ: Պարենային ապրանքների գները աճել են 8%-ով, ոչ պարենային ապրանքներինը՝ 2%-ով, իսկ ծառայության սակագները աճել են 2.3%-ով:
Ըստ Գուրգեն Մարտիրոսյանի ներկյացրած վիճակագրության՝ էական գնաճ է արձանագրվել պարենային ապրանքախմբերից բանջարեղենի և կարտոֆիլի գներում՝ 24.9%, մրգինը՝ 23.4%, կենդանական և բուսական յուղինը՝ 8.1%, կաթնամթերքինը՝ 2.2%, սուրճ, թեյ, կակաո՝ 6.4%, մսամթերքինը՝ 2.7%, հացամթերքինը՝ 4.9%:
0.9% գնանկում է արձանագրվել ձկնամթերքի գներում և 0.1% այլ մթերքների հատվածում:
Իսկ միայն նախորդ տարվա մայիս ամսվա համեմատությամբ, հանրապետության սպառողական շուկայում արձանագրվել է 9 տոկոս գնաճ: Այդ թվում՝ պարենային ապրանքների գնաճը կազմել է 16.2%, ոչ պարենային ապրանքներինը՝ 2.4%, իսկ ծառայության սակագները աճել են 2.5%-ով: Առավել գնաճ է արձանագրվել հացամթերքի գծով՝ 16.9%, կաթնամթերքի գներում՝ 22.4%, բանջարեղեն-կարտիֆիլի գծով՝ 35.4%, մրգի գներում՝ 19.9%, ձվի գները աճել են 20.5%-ով, մսամթերքինը՝ 9%-ով:
Գնանկում արձանագրվել է միայն մեկ պարենային ապրանքախմբում՝ այլ մթերքներում, ընդամենը 0.6%: Օրինակ, Գուրգեն Եղիազարյանը մանրամասնեց, որ այլ խմբի ապրանքներից որոշ խանութներում մոտ 60 լումայով էժանացել է աղը: