Վիճակագրական տվյալների համաձայն՝ Հայաստանում թմրամոլների թիվը տարեցտարի աճում է: Թմրամոլությունը Երեւան քաղաքում եւ մարզերում հետեւյալ պատկերն ունի. Երեւան քաղաք՝ 5.6%, Արագածոտնի մարզ` 2%, Արարատի մարզ` 7%, Արմավիրի մարզ` մոտ 9%, Շիրակի մարզ` մոտ 8%, Գեղարքունիքի մարզ՝ մոտ 2%, Լոռու մարզ` մոտ 9%, Սյունիքի մարզ` մոտ 4%, Վայոց Ձորի մարզ մոտ 1%, Տավուշի մարզ` մոտ 2%: Ինչպես երեւում է, Արմավիրի մարզն ու Լոռին թմրամոլների թվով գլխավորում են առաջին հորիզոնականը: Հարկ է նկատել, որ վիճակագրությունը անցկացվում է միայն նարկոդիսպանսերներում գրանցված թմրամոլների շրջանում: Այնինչ թմրամոլների մեծամասնությունը իրենց կախվածության մասին, համենայն դեպս, աշխատում են գաղտնի պահել: Ի դեպ, եթե նարկոլոգիական կլինիկաներում 2001թ բուժվել է 7 թմրամոլ, ապա 2009 տվյալներով, նրանց թիվը հասել է 1000-ի: Հարկ է նկատել, որ այսօր Հայաստանում 5 հազար ներերակային թմրամոլ կա: