«Անկախության տարեդարձին ես կմաղթեմ այն, ինչ որ մաղթել եմ միշտ` միասնություն, համերաշխություն, հանդուրժողականություն, խաղաղություն: Երբ մենք միասնական ենք լինում, մենք միշտ հաղթանակների ենք գնում, երբ սկսում ենք առանձնանալ, մենք սկսում ենք կորուստներ ունենալ: Անկախությունը դա մեր ազգային ինքնադրսևորման լավագույն օրինակն է»,- ԳԱԼԱ-ի փոխանցմամբ՝ այս մասին այսօր Եռաբլուրում ասել է ՀՀ ոստիկանապետ Վլադիմիր Գասպարյանը:
Անդրադառնալով բողոքի ակցիաներին` Վ. Գասպարյանը ասել է, որ դա խոսում է այն մասին, որ մենք նորմալ պետություն ենք կազմում, որտեղ ամեն մեկն իրավունք ունի իր կարծիքն ասելու: Հարցին, թե ինչպիսի՞ն է իր դիրքորոշումը Մաքսային միությանն անդամակցելու վերաբերյալ, ՀՀ ոստիկանապետն ասել է. «Նախ եւ առաջ ես գտնում եմ, որ գերտերությունները միշտ ունենում են իրենց շահերը, եւ այս օրինակը բացառություն չէ: Գերտերությունների պարագայում մենք ընդամենը մի համեստ պետություն ենք, եւ եթե նայենք մարդկային ռեսուրսները, մեծ տնտեսություն, զինված ուժեր, մենք զիջում ենք, եւ այս պարագայում ես կարծում եմ, որ իմաստուն որոշում է կայացվել»: Վ. Գասպարյանը սակայն հավելել է, որ Հայաստանի ինքնիշխանությանը վտանգ չի սպառնում:
Մանրամասները՝ ԳԱԼԱ-ում
