Ոսկեգույն iPhone 5S-երը վաճառքի առաջին օրը Կալիֆոռնիայի որոշ խանութներում գնվել են հաշված ժամերում:
Այս մասին ITAR-TASS-ին հայտնել է Սանտա Կլարա քաղաքում Apple ընկերության ֆիրմային խանութի խորհրդատուն:
«Ոսկե iPhone-ները, իսկ ավելի կոնկրետ՝ շամպայնի գույնի սմարթֆոնները, գնվել են 1 ժամվա ընթացքում, մենք ստացել էինք այդ գույնի շատ քիչ սարքեր, մեր պահեստում գրեթե վերջանում են արծաթավունները, մնացածն ազատ վաճառք է»,- պատմել է նա:
Նրա խոսքով՝ խանութի դռների մոտ հսկայական հերթը նվազել է, երբ մարդկանց պարզ է դարձել, որ ոսկե ապարատները ոչ բոլորին կհասնեն:
Երեկ վաճառքի հանվեց Apple-ի սմարթֆոնների միանգամից 2 նոր տարբերակ (տարբեր գներով)՝ iPhone 5S-ը ու բյուջետային iPhone 5C-ն պլաստմասսե կորպուսով : Նրանցից առաջինի գլխավոր նորույթը մատնահետքերի օպտիկական սքաներն է: Բացի դրանից, iPhone 5S-ը ստացել է վերջին սերնդի А7 պրոցեսոր:
Իր հերթին, iPhone 5C-ն տեխնիկական բնութագրիչներով տարբերվում է սովորական iPhone-ներից: Այն հագեցած է 8 մեգապիքսելանոց տեսախցիկով, A6 պրոցեսորով ու 4 դյույմանոց դիսփլեյով:
