Monday, 08 08 2022
16:40
Լեհաստանը մտադիր Է հսկողություն սահմանել Ուկրաինայի գյուղատնտեսության նկատմամբ. CSP
Միջանցքի տեղափոխությունից հետո նոր միջանցքը կանցնի Աղանուս համայնքի վարչական տարածքով, Քաշաթաղից ինչ-որ կտոր կմնա ՝ միջանցքի տեսքով. Խանումյան
Երևանը, Գյումրին, Վանաձորն օդի աղտոտվածության ցուցանիշներով կարմիր գոտում են
Մհեր Սեդրակյանին պատկանող գույքերի վրա կալանք է դրվել
Պետք են կտրուկ գործողություններ, մեծ ջանքեր են գործադրում, որ ԱՄՆ-ն չշրջանցի 907 բանաձևը
Ամերիկա-ռուսական դիմակայության բուֆերը. Թուրքիան պատրաաստվում է նոր Եվրոպայի
Ռուսաստանում կորոնավիրուսով վարակման 17 862 դեպք են հայտնաբերել մեկ օրում
«Եռաբլուր» տանող ճանապարհն այսուհետ կլինի լուսավոր. ավարտվել են 1.3 կմ երկարությամբ լուսավորության ցանցի կառուցման աշխատանքները
Ամենուր ռուսական ագենտուրան է, «Զանգեզուր» ֆիլմի իրավիճակը
Վլադիմիր Կարապետյանը անդրադարձել է Ադրբեջանում պահվող հայ ռազմագերիների խնդրին
ՄԻԵԴ-ը շատ արագ չի քննարկելու, և մենք այս նոր ներկայացված գանգատով մեր մտքում առնվազն պետք է ունենանք 3-5 տարվա հեռանկար
Վահագն Վերմիշյանը տեղափոխվել է Էրեբունի բժշկական կենտրոն
15:00
ԵՄ-ում հայտարարում են, որ Բրիտանիայից եկող գազը վտանգավոր խառնուրդներ Է պարունակում. FT
Օրվա թիվը`2.961.900
14:50
Չինաստանի եւ Սինգապուրի գիտնականները հենիպավիրուսի նոր տեսակ են հայտնաբերել
Բենզինի և մյուս վառելիքների գինը – Օգոստոս 8, 2022
Իսրայելում հայտարարել են, որ «Իսլամական ջիհադը» շուրջ հազար հրթիռ Է արձակել երկրի ուղղությամբ
Փետրվարից ի վեր ավելի քան 3,2 մլն փախստական Է ժամանել ՌԴ Ուկրաինայի եւ Դոնբասի տարածքից
Տիգրան Խզմալյանի ղեկավարած կուսակցությունն այսօրվանից ստորագրահավաք է անում
14:00
Ամերիկացիների 40 տոկոսը չի ցանկանում Բայդենի եւ Թրամփի՝ երկրորդ ժամկետով վերընտրվելը
Ինչո՞ւ են Մեղրի-Ագարակ ճանապարհին հսկողություն իրականացնում ռուս սահմանապահները
Հաստատվել է կորոնավիրուսի 1849 նոր դեպք, մահացել է 2 մարդ
Օրվա թիվը`2,232,695
Վերանորոգվում են երևանյան շատրվանների պոմպերը
Մինչև չգա ներքին խաղաղությունը, չենք գտնի արտաքին խաղաղություն
13:16
Շախմատի օլիմպիադա․ Ադրբեջան-Հայաստան․ Ուղիղ հեռարձակում
13:15
Live. «Առաջին լրատվական» տեղեկատվական-վերլուծական կենտրոն
13:10
Bloomberg-ը հայտնել Է Թայվանի շրջանում նավարակության վերսկսման մասին
Մեխանիկայի փոխարեն թիրախային երկխոսություն. Հայաստանի գործը
73 հաղորդում, 55 հանցագործություն, 53 բացահայտում. Ոստիկանությունն ամփոփում է անցած շաբաթը

Արցախյան հակամարտությունը կազդի՞ ՀՀ-ԵՄ համաձայնագրի ստորագրման վրա

Արցախյան հակամարտության գոտում ստեղծված բարդ և լարված իրավիճակի գլխավոր պատճառներից մեկը Ադրբեջանի ագրեսիվ վարքագիծն է: Լինելով առաջին գծում՝ Լեռնային Ղարաբաղը ինչ-որ իմաստով դարձել է Իլհամ Ալիևի անձնական նկրտումների զոհը: Ալիևն ուզում է ամրապնդել իր և իր ընտանիքի իշխանությունը՝ փորձելով համախմբել ադրբեջանական հասարակությանը «արտաքին թշնամու», այսինքն՝ Լեռնային Ղարաբաղի և հայության դեմ: Պատասխանելով «Առաջին լրատվական»-ի հարցերին՝ այսպիսի կարծիք է հայտնել «Հայաստանի եվրոպացի բարեկամներ» կազմակերպության ղեկավար Դիոգո Պինտոն:

Փորձագետը մեկնաբանել է նաև այն հարցը, թե կարո՞ղ են արդյոք Հայաստանի անվտանգության խնդիրները ինչ-որ կերպ խոչընդոտել Եվրամիության հետ նոր համաձայնագրի ստորագրմանը: Չբացառելով հնարավոր ֆորս-մաժորներ՝ Դիոգո Պինտոն ասել է, որ Երևանը և Բրյուսելը լիովին հանձնառու են ստորագրելու համաձայնագիրը նոյեմբերին:

– Պարոն Պինտո, ինչպե՞ս են զարգանում քաղաքական իրադարձությունները Եվրոպայում: Որո՞նք են եվրոպական երկրների ու Եվրամիության հիմնական մարտահրավերներն այսօր՝ Ֆրանսիայի նախագահական և Մեծ Բրիտանիայի խորհրդարանական ընտրություններից հետո: Առաջիկայում խորհրդարանական ընտրություններ կլինեն նաև Գերմանիայում:

Եթե ավելի հետ գնանք և հաշվի առնենք նաև Ավստրիայի նախագահական և Հոլանդիայի խորհրդարանական ընտրությունները, ապա դրանք ցույց են տալիս, որ տեղի չունեցավ այն աղետը, որ կանխատեսում էին շատերը: Ընդհակառակը, թվում է, թե Բրեքսիթից և ԱՄՆ-ում Դոնալդ Թրամփի ընտրությունից հետո, ընտրողները ինչ-որ առումով արթնացան և գիտակցեցին պոպուլիզմի (ամբոխահաճության) և հակաեվրոպականության վտանգները, և շատ մեծ թվով մարդիկ սկսեցին քվեարկել եվրոպամետ ցենտրիստների օգտին: Կարծում եմ, որ այս միտումը կպահպանվի Գերմանիայի ընտրությունների ժամանակ՝ ևս մեկ անգամ ցույց տալով, որ մարդիկ լիովին աջակցում են եվրոպական նախագծին, Եվրոպական միությանը ու Եվրոպայի միասնականությանը: Սրան կարելի է ավելացնել, որ պարոն Թրամփի որոշ վիճելի հայտարարություններ և քայլեր, գլխավորապես իր որոշումը՝ դուրս գալու Կլիմայական փոփոխությունների փարիզյան համաձայնագրից, ստիպեցին Եվրամիության ղեկավարներին էլ ավելի համախմբված գործել և ավելի վճռական քայլեր անել որոշ հարցերում՝ նույնիսկ առանց ԱՄՆ-ի: Սրանք շատ լավ լուրեր են Եվրոպական միությունից:

– Շաբաթվա սկզբին Մեծ Բրիտանիան և Բրյուսելը սկսել են բանակցությունները Բրեքսիթի՝ Եվրամիության կազմից Մեծ Բրիտանիայի դուրս գալու հարցի շուրջ: Ձեր կարծիքով՝ ինչպե՞ս կավարտվի այս գործընթացը:

– Ես այլ կերպ կասեի, որ վերջապե՛ս նրանք սկսեցին բանակցությունները: Անցել է մեկ տարի Միացյալ Թագավորությունում անցկացված հանրաքվեից և երեք ամիս՝ Բրեքսիթի բանակցություններն ավարտին հասցնելու համար տրված վերջնաժամկետի մեկնարկից: Արդեն ժամանակն է սկսելու այս բանակցությունները: Ինչպես գիտեք, նրանք հիմա են սկսել բանակցությունները, քանի որ Միացյալ Թագավորությունը, կարծես թե, ինքն էլ հստակ չգիտի, թե որն է իր դիրքորոշումը տվյալ հարցի վերաբերյալ, և դժբախտաբար բրիտանացիների համար, վարչապետ Մեյը, կարծես թե, չստացավ այն հստակությունը խնդրի մասին, որը նա ցանկանում էր ստանալ վաղաժամ ընտրությունների միջոցով: Ընդհակառակը, ներքաղաքական իրավիճակը միայն բարդացել է՝ Հյուսիսային Իռլանդիայի խիստ պահպանողական Ժողովրդավարական յունիոնիստների կուսակցության (DUP) ներգրավման պատճառով: Ուստի, ես իսկապես չգիտեմ, թե ինչ կարելի է սպասել: Եկեք սպասենք և տեսնենք, նախ և առաջ, թե արդյոք Միացյալ Թարգավորությունը կունենա կայուն կառավարություն, թե՞ շուտով նոր ընտրություններ կանցկացվեն: Ամեն դեպքում Բրեքսիթի ժամի սլաքը շարունակելու է պտտվել, իսկ հապճեպ կամ վատ կազմակերպված բանակցություններից տուժելու է հենց Միացյալ Թագավորությունը: Բայց ամենից շատ Միացյալ Թագավորությունը կտուժի այն դեպքում, եթե ընդհանրապես որևէ գործարք չկնքվի կողմերի միջև: Սա կանջատի բրիտանացիներին Եվրամիությունից՝ առանց որևէ պայմանավորվածության:

– Ի՞նչ կարծիք ունեք Ղարաբաղյան հակամարտության գոտում վերջին օրերին գրանցված միջադեպերի մասին: Որքանո՞վ է այս վիճակը մտահոգիչ տարածաշրջանի անվտանգության և կայունության տեսանկյունից:

– Նախորդ շաբաթվա իրադարձությունները և զոհերի փաստը Լեռնային Ղարաբաղի շփման գծում խիստ մտահոգիչ են, բայց ցավոք անակնկալ չեն: Շատ փորձագետներ վաղուց կանխատեսում են լարվածության աճ և ռազմական նոր բախումների հավանականություն: Սրա պատճառներն են խաղաղ բանակցությունների փակուղի մտնելը, չլուծված հարցերը, որ մնացել են նախորդ տարվա քառօրյա պատերազմից հետո, բայց նաև ու հնարավոր է՝ ամենամեծ պատճառը ադրբեջանական կողմի ագրեսիվ վարքագիծն է:

Գնալով ավելի բարդացող տնտեսական բարդ վիճակի ճնշման տակ Ադրբեջանի ղեկավարությունը նախ որոշակի քայլեր ձեռնարկեց երկրի ներսում՝ բանտարկելով լրագրողների, մարդու իրավունքների ու քաղաքական ակտիվիստների և ընդդիմության առաջատար գործիչների: Եվ քանի որ սա միայն ավելացրեց արտաքին ճնշումը Ադրբեջանի նկատմամբ, ինչպես ցույց տվեց Եվրոպական խորհրդարանի նախորդ շաբաթվա բանաձևը, Բաքուն հիմա շատ է ցանկանում վերաակտիվացնել հայկական վտանգի ընկալումը երկրի ներսում՝ հույս ունենալով վերամիավորել ադրբեջանական հանրությանը արտաքին թշնամու դեմ: Լեռնային Ղարաբաղը առաջին գծում է, այդ պատճառով էլ ինչ-որ առումով դարձել է պարոն Ալիևի քաղաքականության զոհը: Նա ձգտում է ամրապնդել իր, իր ընտանիքի և ընկերների իշխանությունը: Հետևաբար իրադրությունը մտահոգիչ է ողջ տարածաշրջանի համար, և եթե միջազգային հանրությունը, հատկապես Մինսկի խումբը չճանաչի մեղավորին և չկարողանա զսպել Ադրբեջանին, վախենամ, որ վիճակը կարող է ավելի վատանալ՝ նախքան բարելավվելը:

– Թե՛ եվրոպական և թե՛ հայկական կողմերը հայտարարել են, որ պատրաստվում են Բրյուսելում՝ Արևելյան գործընկերության գագաթնաժողովի ընթացքում, ստորագրել նոր Համաձայնագիրը Հայաստանի ու Եվրամիության միջև: Անվտանգության խնդիրները և ստեղծված բարդ իրավիճակը Արցախյան հակամարտության գոտում կարո՞ղ են լրջորեն ազդել համաձայնագրի ստորագրման վրա:

– Ինչպես ինքներդ նշեցիք՝ երկու կողմերը համաձայնության են եկել և հայտարարել են, որ Համաձայնագիրը կստորագրվի նոյեմբերին՝ Արևելյան գործընկերության գագաթնաժողովի ժամանակ: Համենայնդեպս, այդպես է ծրագրված: Իհարկե, եթե լուրջ իրադարձություններ տեղի ունենան այդ ընթացքում, ծրագիրը կարող է փոխվել այլ առաջնահերթությունների պատճառով: Բայց ես չեմ կարծում, որ դա տեղի կունենա: Կարծում եմ, որ երկու կողմերն էլ լիովին հանձնառու են ստորագրելու Համաձայնագիրը նոյոմբերին, և վստահ եմ, որ հենց այդպես էլ կլինի:

Բաժիններ
Ուղիղ
Լրահոս
Որոնում