Երեկ «Հրապարակ»-ի խմբագրություն են դիմել 2010թ. մայիսին Կոմիտասում կատարված 23-ամյա Խաչիկ Մկրտչյանի սպանության գործով մեղադրյալ Վռամ Բաղդասարյանի ծնողները։ Վերջիններս դժգոհել են, որ մամուլում միակողմանի և «ոչ ճիշտ տեղեկատվություն» է տարածվել։
«Սա այն գործն է, որի քննության ժամանակ պաշտոնական լիազորությունները չարաշահելու միջոցով տվյալների ու ապացույցների խեղաթյուրում թույլ տալու համար ոստիկանության քրեական հետախուզության գլխավոր վարչության նախկին պետ Հովհաննես Թամանյանն ազատվեց պաշտոնից և կալանավորվեց։ Սկզբում նշված արյունոտ «ռազբորկայի» ժամանակ կատարված սպանության մեղադրյալ էր Արաբկիրի նախկին թաղապետ Հովիկ Շահինյանի քրոջ որդին՝ Արսեն Ահարոնյանը, սակայն ամիսներ առաջ գործում շրջադարձ եղավ, ու սպանության մեղադրանք առաջադրվեց «ռազբորկայի» մասնակից Վռամ Բաղդասարյանին»,- գրում է «Հրապարակ»-ը։
Խմբագրություն դիմած Վռամի ծնողները պնդել են, որ իրենց տղայի վրա ուզում են բարդել սպանությունը, որ իրենց տղան թեև մասնակցել է «ռազբորկային», սակայն ինքը չի կատարել սպանությունը, քանի որ իր մոտ չի եղել այն զենքը, որի կրակոցից մահացել է 23-ամյա երիտասարդը։ Վռամի մայրը՝ Անահիտ Աբրահամյանը, նամակներով դիմել Է Սերժ Սարգսյանին, ՀՀ գլխավոր դատախազին, ԱԱԾ-ին՝ հայտարարելով, որ նշված դեպքի ժամանակ իր որդու մոտ չի գտնվել այն ատրճանակը, որից արձակված գնդակից մահացել Է 23-ամյա երիտասարդը։ «Միգուցե մեր ղեկավարությունը հաշվի կառնի մեր բողոքները և ճիշտ կդատի։ Ամեն մարդ ինքն իրա արածի համար պատասխան տա։ Ես Էդ եմ ասում»,- թերթի հետ զրույցում ասել է Անահիտ Աբրահամյանը։
Մամուլի այն դիտարկմանն ի պատասխան, ըստ որի՝ Բաղդասարյանը Լևոն Սարգսյանի՝ Ալրաղացի Լյովի սիրելի թիկնապահն Է և նրա միջնորդությամբ Է Վռամն ազատվել մեղադրանքից, Վռամի հայրը հայտարարել է. «Ես չգիտեմ՝ ով Է նման հերյուրանքներ տարածում։ Մի բան գիտեմ, որ տղաս 2007թ.-ից աշխատել Է որպես Արաբկիրի նախկին թաղապետ Շահինյան Հովիկի օգնական, Շահինյան Հովիկը տղայիս հարսանիքի քավորն Է։ Աշխատել են իրար հետ, ես էլ եղել եմ Արաբկիրի փոխթաղապետ։ Իսկ Սարգսյան Լյովիկի հետ ընդհանրապես առնչություն չի ունեցել տղաս։ Հովիկ Շահինյանի օգնական Էր աշխատում թաղապետարանում, Լևոն Սարգսյանի ախրանի պե՞տն Էր։ Ո՞նց կարող Է նման բան լինել»։ Ծնողների խոսքերով՝ սպանությունից և Հովիկ Շահինյանի քրոջ տղայի խոստովանական ցուցմունքից ամիսներ անց Վռամին ներկայացված սպանության մեղադրանքի հիմքում Արսեն Ահարոնյանի հորեղբոր որդու՝ Հայկ Հակոբյանի ցուցմունքն Է, ով թեև զինվորական Է, Նուբարաշենի 6-րդ վաշտի հրամանատարը, սակայն «ռազբորկայի» մասնակից Է եղել, նույն մեքենայի մեջ Է եղել ու ցուցմունք Է տվել, որ վնասել Է գլուխը, սակայն գործով անցնում Է ընդամենը որպես վկա։
Հարցին, թե ինչպես է գնահատում արյունահեղ «ռազբորկան», Վռամի հայրը պատասխանել է. «Շատ վատ գնահատական եմ տալիս, մարդ է մահացել, բայց թող իմ տղան իր արարքի համար պատասխան տա, ոչ թե սպանության, որ ինքը չի կատարել»։
Թերթի հարցին, թե գործում ինչ դերակատարություն է ունեցել Հովիկ Թամանյանը, սպանության մեջ մեղադրվողի հայրը պատասխանել է. «Թամանյան Հովիկը չեմ իմանում՝ ինչ առնչություն պետք է ունենար այստեղ, եթե կա Արաբկիրի բաժին, կա քննիչ, կա դատախազ»։
