Thomson Reuters մեդիաընկերության նավթային ոլորտում հետազոտական նախագծերով և վերլուծությամբ զբաղվող ստորաբաժանման ղեկավար Շաքիլ Բեգը հայտարարել է, որ նավթի մեկ բարելը կարող է թանկանալ մինչև 100 դոլար: Այս մասին հաղորդում է Gazeta-ն:
«Եթե պահանջարկը և առաջարկը հավասարվեն, բարելի գինը կարող է հասնել 100 դոլարի կամ ավելին»,-ասել է նա:
Բեգը միևնույն ժամանակ նշել է, որ շուկաները գործում են ակնկալիքներին համապատասխան: Այսպիսով, որպեսզի նավթի գներն աճեն, պետք է վստահություն, որ նավթի արդյունահանումը և համաշխարհային պաշարները կկրճատվեն:
«Եթե առաջարկը օրական կրճատվի առնվազն 500 հազար բարելով, ապա նավթի գինը կգերազանցի 60 դոլարը: Մեր հաշվարկներով՝ նման բան տեղի կունենա 2018թ.»,-հավելել է փորձագետը:
