Մադրիդի «Ռեալ»-ի դարպասապահ Դիեգո Լոպեսը մեկնաբանել է թիմի գլխավոր մարզիչ Կարլո Անչելոտիի որոշումը, ըստ որի՝ Իսպանիայի ազգային ընտրանու դարպասապահ Իկեր Կասիլյասը կպաշտպանի «Արքայական ակումբ»-ի դարպասը ՉԼ գավաթի խաղարկության հանդիպումների ժամանակ, իսկ Լոպեսը՝ Լա Լիգայի խաղերում:
«Ես և Կասիլյասը հարգում ենք Անչեպոտիի որոշումները: Եթե նա կարծում է, որ այդպես ավելի ճիշտ կլինի, ապա այդպես էլ կլինի:
Ես ուշադրություն չեմ դարձնում նրա որոշման շուրջ առկա բազմաթիվ խոսակցություններին: Մեր նպատակն անընդհատ պայքարելն է հիմնական կազմում տեղ զբաղեցնելու, ինչպես նաև թիմին օգտակար լինելու համար»,- նշել է Լոպեսը:
