Շնոբելյան մրցանակակիրներն այս տարի ստացել են 10 տրիլիոն զիմբաբվեական դոլար դրամական պարգև: Պարգևատրումը տեղի է ունեցել Հարվարդի համալսարանում (Բոստոն, Մասաչուսեթս):
Հականոբելյանական մրցանակները հանձնվում են 1991 թվականից: Դրանք ավանդաբար հանձնվում են այն բացահայտումների համար, որոնք սկզբում ծիծաղ են առաջացնում, սակայն այնուհետև ստիպում են մտածել:
10 տրիլիոն զիմբաբվեական դոլար անվանական արժեքով թղթադրամը հնարավոր չէ փոխանակել այլ երկրների արժույթների հետ: Այն համարժեք է 4 ԱՄՆ դոլարին՝ հայտնում է ITAR-TASS-ը:
Ինչպես ավելի վաղ տեղեկացրել էինք՝ Բելառուսի նախագահ Ալեքսանդր Լուկաշենկոն մրցանակ է ստացել հրապարակային ծափահարություններն արգելելու համար:
Նոբելյան մրցանակի երգիծական տարբերակները բաժին են հասել նաև հետազոտողներին, ովքեր հայտնաբերել են, որ գոմաղբի բզեզները կարող են կողմնորոշվել աստղերով, ինչպես նաև գիտնականները, ովքեր հաստատել են, որ հարբած մարդիկ իրենց իսկապես ավելի գրավիչ են համարում:
