Ֆրանսիական երգիծական Charlie Hebdo շաբաթաթերթն իր շապիկին հրապարակել է ծաղրանկար, որում պատկերել է Ֆրանսիայի նորընտիր նախագահ Էմանուել Մակրոնին և նրա կնոջը։
Ծաղրանկարում հեղինակները 64-ամյա Բրիժիտին պատկերել են հղի։ Ծաղրանկարին կից գրված է. «Նա հրաշքներ կգործի»։
Հիշեցնենք, որ Մակրոնն ամուսնացած է Բրիժիտ Տրոնիեի հետ, ով իրենից մեծ է 24 տարով և եղել է նրա դպրոցի ուսուցչուհին։ Զույգն ընդհանուր երեխաներ չունի, սակայն Մակրոնը հայրություն է անում կնոջ՝ առաջին ամուսնությունից ունեցած երեք երեխաներին։
Ավելի վաղ շաբաթաթերթը շների տեսքով պատկերել էր Ֆրանսիայի նախագահական ընտրությունների երկրորդ փուլի մասնակիցներին՝ Մակրոնին և Մարին Լե Պենին։
