«Առաջին լրատվական»- ի զրուցակիցն է աստվածաբան Վարդան Խաչատրյանը:
-Պարոն Խաչատրյան, մասոններն իրենց ամենամյա հավաքն են իրականացնում Հայաստանում, ի տարբերություն նախորդ տարիների՝ այս անգամ ականատես եղանք, թե ինչպես նրանց առաջնորդներից Ֆրանսիայի «Մեծ արևելք» մասոնական օթյակի ղեկավար, մեծ վարպետ Քրիստոֆ Աբբասը հայտարարեց, որ օթյակ ստեղծելու նպատակով են Հայաստան եկել: Ընդհանրապես որքանո՞վ է դա նպատակահարմար, շատերը վախեր են տեսնում, որքանո՞վ են դրանք պատճառաբանված և որքանո՞վ՝ ոչ, առհասարակ Հայաստանում մասոնների ամենամյա հավաք անցկացնելու իմաստը ո՞րն է՝ ըստ Ձեզ:
-Առավել հավանական եմ համարում, որ, ըստ էության, աշխարհով մեկ թափանցելու ամենաունիվերսալ կետերից մեկը Հայաստանն է, և թերևս չկա այնպիսի համաշխարհային ուժ, որը Հայաստանի նկատմամբ չունենա հետաքրքրություն: Պատմականորեն էլ է այդպես եղել և մի զգալի չափով էլ պատմական կապեր կան մասոնության հետ՝ դեռևս Արևմտյան Հայաստանի գոյության պայմաններում եղել են, ամենավաղ փուլում հայերի մասնակցությունը միանշանակ եղել է: Ինչ վերաբերում է ընդհանրապես մասոնականության նկատմամբ վերաբերմունքին, պետք է ասեմ, որ դա մի կողմից խարդավանքների և հնարավոր զարգացումների գաղտնի շղարշով է պատված և մյուս կողմից էլ՝ դա այնքան էլ այդպես չէ, որովհետև գոյություն ունի ինդիկատոր, լակմուսի թուղթ, դա Ալդո Մորոյի սպանությունն էր: Իտալիայում տեղի ունեցավ այդ սպանությունը և հետագայում պարզվեց, որ «ՊԵ 2» լոջան է կազմակերպողը, բայց հետո ավելի խոր ուսումնասիրությունները ցույց տվեցին, որ այդ լոջաները հատուկ ծառայությունների գործիքներն են ընդամենը:
Ներկայիս աշխարհը, իհարկե, շատ ավելի զորեղ է, զգալի մասով աներևույթ, իմ խորին համոզմամբ, գլավոր ուժը պետք է որ լինի աներևույթ, որովհետև այդպիսի պոստուլատ է միշտ գործում՝ ոչինչ չարժե այն իշխանությունը, որը տեսանելի է: Հավատացնում եմ, կարող է պատահել մեր քաղաքական գործիչները հետամուտ չլինեն դրան և կարևորություն չտան, բայց իրականությունն այդպիսին է: Նրանք, ովքեր պետք է կարողանան աշխարհի անթագակիր արքաները լինել, նրանք պետք է լինեն լատենտ:
Հարցազրույցն ամբողջությամբ՝ տեսանյութում: