Thursday, 20 01 2022
Արցախում զորակոչի որոշումն արվում է ՌԴ իմացությամբ․ Մոսկվան ուղերձ է հղում Բաքվին՝ Ուկրաինայի մասին հայտարարությունների ֆոնին
ՀՀ տարածքում կան փակ ավտոճանապարհներ, որոշ հատվածներում բուք է
08:30
Live. «Առաջին լրատվական» տեղեկատվական-վերլուծական կենտրոն
Այսօր էլեկտրաէներգիայի անջատումներ են սպասվում Երևանում և 6 մարզում
Արցախը Հայաստանի ընդդիմադիր գրասենյակների պատճե՞ն, թե քաղաքական սուբյեկտ
01:00
Բորելը ԱՄՆ պետքարտուղարին հրավիրել է մասնակցել Ռուսաստան-Ուկրաինա թեմայով քննարկումներին
Վրաստանում մեկ օրում գրանցվել է կորոնավիրուսի 8728 նոր դեպք
00:30
Շվեդիայում երկարաձգել են կորոնավիրուսի դեմ միջոցները խստացնող օրենքի ժամկետը
Փրկարարներն արգելափակումից դուրս են բերել 47 ավտոմեքենա
Ղազախստանի փոխվարչապետը խոստացել է անկարգությունների մասնակիցների հանդեպ արդար քննություն իրականացնել
00:00
Մոլդովայում արտակարգ դրություն կարող է հայտարարվել գազի ճգնաժամի պատճառով
23:45
Amazon-ը ներկայացրել է «Մատանիների տիրակալը. մատանիների իշխանությունը» սերիալի թիզերը
23:30
Զելենսկին Ստոլտենբերգի հետ քննարկել է ՆԱՏՕ-ի գագաթնաժողովին հնարավոր մասնակցության հարցը
Երկրաշարժ Հայաստանում
23:10
ՄԱԿ-ը դրական է որակում Լիբիայից օտարերկրյա վարձկանների մի մասի դուրսբերումը
23:00
Մեծ Բրիտանիան հանել է կորոնավիրուսի սահմանափակումների զգալի մասը
Ախուրյանի ոստիկանները բացահայտել են տարիներ առաջ կատարված ավազակությունը
22:40
Իրանի նախագահը Պուտինի հետ հանդիպումից հետո նամազ է արել Կրեմլի պալատում
22:30
ԱՀԿ ղեկավարը հայտնել է կորոնավիրուսի դեմ պայքարի դեռ երկար ճանապարհի մասին
22:15
Դժբախտ պատահարի հետևանքով մահացել է ֆրանսիացի դերասան Գասպար Ուլելը
Սիրիայում պայթել է ՆԳՆ աշխատակիցների տեղափոխող ավտոբուսը
ՀԱՊԿ խաղաղապահ ուժերը Ղազախստանում որևէ կորուստ չեն ունեցել. Զաս
Վաղուց ընթանում են հայկական ԱԹՍ-ներ ստեղծելու աշխատանքները. Վահագն Խաչատուրյան
Խորհրդարանի մի կեսին պետք է գնդակահարել հանցագործության, մյուս կեսին՝ անգործության համար
Շարունակելու ենք պայքարել արդարության համար. Ստամբուլում ոգեկոչել են Դինքի սպանության 15-րդ տարելիցը
Նախորդ տարիներին երկիրն ասպատակածն ու ապականածը չի կարող ընդդիմություն լինել․ Նորիկյան
Արցախի նախագահն ընդլայնված խորհրդակցություն է անցկացրել օրենսդիր և գործադիր մարմինների պատասխանատուների հետ
Փաշինյանը պետք է գործի անցնի․ ժամանակն է՝ պատգամավորի հետկանչի իրավունք ունենանք
Արարատ Միրզոյանը մանրամասներ ներկայացրեց Մևլյութ Չավուշօղլուի հետ հանդիպումից
Բոլորը պատրաստվում են պատերազմի, Հայաստանը՝ խաղաղության. իրականությունից կտրված ենք

ԱՄՆ կարևոր նախաձեռնություն Հայաստանում, (և ոչ միայն) ռուսական շանտաժի դեմ

Միացյալ Նահանգների Կոնգրեսը 100 միլիոն դոլար է հատկացնելու «Ռուսաստանի ազդեցությանն ու ագրեսիային» հակազդելու և Եվրոպայում ու Եվրասիայում քաղաքացիական հասարակությանն աջակցելու համար: Հատկացման գաղափարի հիմքում Ներկայացուցիչների պալատում և Սենատում վերջին ամիսներին հնչեցված անհանգստությունն է Եվրոպայում և աշխարհի այլ շրջաններում Մոսկվայի վարած հուժկու և ագրեսիվ քարոզարշավի, այլ երկրների ներքին գործերին միջամտելու, ընտրական գործընթացների և հանրային կարծիքի վրա ազդելու առնչությամբ: Նշված գումարը տրամադրվելու է ոչ միայն Ռուսաստանում, այլև Արևելյան գործընկերության երկրներում՝ Հայաստանում, Ադրբեջանում, Բելառուսում, Վրաստանում, Մոլդովայում և Ուկրաինայում, Մոսկվայի ազդեցությունը զսպելու և քաղաքացիական հասարակությանն օժանդակելու համար:

Կոնգրեսի այս որոշումն, անշուշտ, կարևոր է և առնվազն իրավաքաղաքական հարթության մեջ ամրագրում է անհերքելի այն իրականությունը, որ Ռուսաստանում պետական քաղաքականության մակարդակի հասցված նեոկայսերականությունը սպառնում է հարևան երկրների ինքնիշխանությանը, դրանցում ժողովրդավարության հաստատմանը:

Ամերիկյան նոր ծրագրում, ի թիվս այլ երկրների, ներառված է նաև Հայաստանը, և թերևս հարկ կա անդրադառնալու մեր երկրում ռուսական ազդեցության գործիքներին, դրանց հակազդելու հնարավորություններին: Ռուսական ազդեցության հիմնական գործիքներից մեկը ավտորիտար, կոռումպացված իշխանության գոյությունն է: Կարելի է նույնիսկ համարձակ պնդել, որ իշխանության նման հատկանիշը ցեմենտող դեր ունի բոլոր այն երկրների համար, որոնք Կրեմլի ինտեգրացիոն նախագծերի՝ ԵՏՄ, ՀԱՊԿ, անդամ են: Ռուսաստանի ռեսուրսները սահմանափակ են, այդ երկրի ազդեցության հիմքում ոչ թե պոզիտիվ գործոններն են, ռացիոնալիզմը, այլ հարկադրանքը, շանտաժը:

Օբյեկտիվորեն Հայաստանի իշխանություններին ձեռնտու է կառավարման եվրասիական մոդելը: Դա, իհարկե, մեծացնում է կախվածությունը Կրեմլից, բայց իշխանությունը պահպանելու միակ միջոցն է, ձևը: Ողբերգությունն այն է, որ Հայաստանի քաղաքական համակարգում տակավին ձևավորված չէ այլընտրանքային այն կենտրոնը, որն իր բնույթով բաց մինի համակարգ կլինի և Հայաստանի հասարակությանն ընտրության հնարավորություն կտա արժեքային կողմնորորշման, երկրի ներքին և արտաքին քաղաքականության հարցերում:

Ապրիլի 2-ի «անաղմուկ ընտրության» կոնցեպցիան հենց կառավարման եվրասիական մոդելի վավերացումն է, որովհետև ենթադրում է համակարգի փակվածություն, քաղաքական և տնտեսական ստվերի պահպանում: Մանդատային սկանդալները, խորհրդարանական և Երևանի ընտրություններում քաղաքական օրակարգի բացակայությունն ասվածի դրսևորումներն են: Համակարգը, բնույթով լինելով եվրասիական, իր ազդեցությունը տարածել է մոտիվացիայից ու նպատակներից զրկված հասարակական նորանոր խմբերի վրա:

Բանաձևը շատ հստակ ու պարզ է. եթե ուզում ենք ազատվել ռուսական դեստրուկտիվ ազդեցությունից, պետք է Հայաստանում փոխենք կառավարման փիլիսոփայությունը, համակարգը: Խոսքը միայն իշխանության առաջին դեմքերի կամ բուրգի անվանական փոփոխության մասին չէ, որովհետև վերջին օրերի զարգացումները ցույց տվեցին, որ բուրգը կարող է ավելի սարսափելի ու վտանգավոր դառնալ, եթե, ասենք, դրա ՀՀԿ անունը փոխարինվի ԲՀԿ-ով: Ես խոսում եմ բաց համակարգի ձևավորման անհրաժեշտության մասին, որն «անաղմուկ» կգերադասի գործել ոչ թե հասարակության հետ հարաբերություններում, այլ արտաքին մարտահրավերները չեզոքացնելու հարցում:

Օրինակ՝ ՀՅԴ-ն կարծում է, թե պատմական առաքելություն է կատարում՝ համակարգին ինտեգրվելով և այն ներսից բարեփոխելով: Դաշնակցականները գուցե իսկապես անկեղծ են իրենց մղումներում, բայց խնդիրն այն է, որ ավանդական կուսակցությունը ևս մինի փակ համակարգ է՝ ժամկետանց քաղաքական օրակարգով:

Խորհրդարանում ներկայացված չորս ուժերից միայն «Ելքն» է, որ արտահամակարգային է՝ արժեքային կողմնորոշմամբ և մտածողությամբ: Այս դաշինքի հաջողությունն, անշուշտ, Հայաստանի ազատ մտածող քաղաքացիների հաղթանակն է: Բայց արդյո՞ք Նիկոլ Փաշինյանն ու մյուսները կգնան «ազատության օաիզիսի» մեծացման ճանապարհով, որպեսզի իրենց գաղափարներն ու արժեքները հարազատ դառնան ոչ թե 120 հազար, այլ ավելի շատ մարդկանց, թե՞ տուրք է տրվելու «Սերժին չսիրողներին» դուր գալու հեշտ գայթակղությանը, ինչը հանգեցնելու է «Ելքի» որակների չեզոքացմանը: Ապավինենք ժամանակին՝ այսօր չունենալով այս հարցի պատասխանը:

Ռուսական ազդեցությունը Հայաստանում պահպանվելու է, քանի դեռ ունենք չկարգավորված հակամարտություններ ու փակ սահմաններ հարևանների հետ, ռուսական ռազմաբազայի ներկայություն, որն արդեն էապես խաթարում է հասարակական անդորրը Գյումրիում, էներգետիկ միակողմանի կախվածություն Մոսկվայից: Սակայն բոլոր այս հարցերը պահանջում են կոնցեպտուալ լուծումներ, որոնց ձևակերպումը վեր է այսօրվա համակարգի ուժերից՝ նախ այն պատճառով, որ այսօրվա իշխանությունը ռուսական ազդեցության պրոդուկտ է և չի կարող ինքնիշխան երկրի օրակարգ մշակել:

Գալով ամերիկյան նոր ծրագրին՝ նկատենք, որ այն աշխատող կամ արդյունավետ կլինի այն երկրներում, որոնցում քաղաքական համակարգն ու հասարակությունը ոչ թե ռուսական ագրեսիվությանը հարմարվելու, այլ այն չեզոքացնելու խնդիր ունեն: Ի վերջո, սերմը բարեբեր հողում է արմատ տալիս:

Մեզ կարող է ուրախացնել ԱՄՆ Կոնգրեսի որոշումը, բայց դրանից մեր քաղաքական, հանրային «հողն» ավելի բարեբեր չի դառնում:

Բաժիններ
Ուղիղ
Լրահոս
Որոնում