Friday, 29 03 2024
102-րդ ռազմաբազան ՀՀ սուվերենության միակ իրական երաշխավորն է. ՌԴ ԱԳՆ
Գազա օգնություն ուղարկելով՝ Հայաստանն ուղերձ է հղում աշխարհին
Մահացել է «Կրոկուս»-ում ահաբեկչության տուժածներին օգնություն ցուցաբերած հայ երիտասարդը՝ 35-ամյա Կարենը
Ուղիղ. հարցազրույց Անդրանիկ Քոչարյանի հետ
Անկախության հռչակագիրը անփոփոխ է, չունի դադարեցման իրավաբանական հնարավորություն. «Գերագույն խորհուրդ» ակումբ
Տաջիկստանը ձերբակալել է 9 հոգու՝ «Կրոկուս սիթի հոլ»-ում տեղի ունեցած ահաբեկչության հետ առնչության համար. Reuters
Ֆանտաստիկ թիվ է․ տարեկան 1մլրդ․ դոլար տրամադրելով՝ ԱՄՆ-ն Հայաստանից ակնկալիքներ պետք է ունենա
ՄԱԿ-ի դատարանն Իսրայելին կարգադրել է թույլ տալ հումանիտար օգնության մուտքը Գազայի հատված
Լրատվական-վերլուծական երեկոյան թողարկում
Վասիլիս Մարագոսը վերահաստատել է ԵՄ-ի աջակցությունը Հայաստանում արդարադատության ոլորտի բարեփոխումներին
Ու՞մ է զգուշացնում Իրանը
Սիրիայի զորքերը պատասխան հարվածներ են հասցրել ավազակային կազմավորումներին
Գազայում հայտնել են, որ իսրայելական հարվածներից զոհերի թիվը գերազանցել է 32 600-ը
Իսրայելական հրետանին հարվածներ է հասցրել Լիբանանի հարավի երկու ավանների. ԶԼՄ-ներ
17:20
Հարավաֆրիկյան Հանրապետությունում 45 մարդ է զոհվել կամրջից ավտոբուսի ընկնելու հետևանքով
17:10
Կիևը և Վարշավան մտադիր են անվտանգության երաշխիքների մասին համաձայնագիր կնքել
17:00
Live. «Առաջին լրատվական» տեղեկատվական-վերլուծական կենտրոն
16:50
Ֆրանսիան կարող է չեղարկել Փարիզում Օլիմպիադայի բացման արարողությունը
16:40
Բրիտանիան չեղարկել է 100-ամյա արգելքը և թույլ կտա զինվորականներին մորուք պահել
ՌԴ ԱԳ փոխնախարարը հանդիպել է Աբխազիայի և Հարավային Օսիայի ներկայացուցիչներին
16:20
«Արաբական երկրները պատրաստ են ճանաչել Իսրայելը». Բայդեն
16:10
Իսպանիայում տեղակայվել է ՆԱՏՕ-ի երրորդ ռազմածովային բազան
Ադրբեջանցիները մշտապես ատել են հայերին. մեր խնդիրն է ցույց տալ սա
Դեղձենու մասսայական ծաղկում Արարատյան դաշտում՝ ժամկետից շուտ
Ո՞նց են որոշել, որ դա Հայաստանի տարածքը չ,է, եթե սահմանը հստակեցված չէ ․ Արա Պապյան
Փորձ է արվում 3 անձերի կատարածը ԱԺԲ ամբողջ կառուլցի հետ կապել. Պապյան
15:45
«ԱՄՆ-ն ու ԵՄ-ը Հայաստանի հետ անվտանգային հարցեր չեն քննարկելու». Ստանո
ՊՆ կոլեգիայի նիստում քննարկվել են սպառազինության և ռազմական տեխնիկայի զարգացման հարցեր
«Ցուցադրությունն անպայման տեղի կունենա». Բաքվում պարզաբանում են տարածել Արայիկ Հարությունյանի հարցազրույցի վերաբերյալ
Եթե դելիմիտացիա, ապա հավասարության սկզբունքով, ոչ թե՝ «ատրճանակի սպառնալիքի տակ»

Պաշտպանի փոփոխությունից հետո ինչ նոր զարգացումներ են սպասվում լրագրողն ընդդեմ ոստիկանապետի գործում

«Առաջին լրատվական»-ի զրուցակիցն է փաստաբան Միհրան Աղաբաբյանը, որը Լրագրողն՝ ընդդեմ ոստիկանապետի գործով հայցվոր կողմի ներկայացուցիչն է:

– Ի՞նչ փուլում է գտնվում Սիրանույշ Պապյանն ընդդեմ Վլադիմիր Գասպարյանի դատական գործը, ինչ զարգացումներ են եղել։

– Դատարանը նախնական դատական նիստ է նշանակել 17.05.2017թ․ ժամը 16.00-ին: Նախորդ դատական նիստը, որ նշանակված էր սույն թվականի մարտի 30-ին, հետաձգվել է նախագահող դատավորի հերթապահության մեջ գտնվելու պատճառով:

Դատարանը նախորդ դատական նիստը նշանակել էր ապացույցներ ներկայացնելու սահմանված ժամկետ տրամադրելու համար: Ընդհանուր առմամբ կայացվել է թվով 5 նախնական դատական նիստեր, որոնց քանակությունը, դատական նիստերի հետաձգումները, Պատասխանող կողմի դատավարական վարքագիծը հնարավորություն են տալիս արձանագրել, որ առկա է ողջամիտ կասկած, որ իրականում դատական նիստերը հետաձգվում են գործը մոռացության մատնելու համար: Անձի արժանապատվության պաշտպանության վերաբերյալ դատական գործերի նմանօրինակ ձգձգումները նորմալ երևույթ չի կարող համարվել: Դատական գործով երկարատև ձգձգումները մտահոգություն են առաջացնում Հայցվոր կողմի մոտ։ Իրավունքների խախտումները շարունակվում են այնքան ժամանակ, մինչև հրապարակային դատաքննության արդյունքում չի բավարարվել Սիրանույշ Պապյանի արդարացի պահանջը, և քանի դեռ Պատասխանողը ներողություն չի հայցել Սիրանույշ Պապյանից, Սիրանույշ Պապյանի արժանապատվությունը շարունակվում է խախտված մնալ։ Այստեղ մենք իրավացիորեն կարող ենք պնդել, որ արդեն իսկ խախտվել է Սիրանույշ Պապյանի ողջամիտ ժամկետներում դատարանում արդարացի քննության իրավունքը, և այս գործը վաղուց պետք էր իր հանգուցալուծումը գտած լիներ արդարադատության ասպարեզում։

– Կխնդրենք մի փոքր ներկայացնեք գործի նյութաիրավական մասը և վեճի էությունը։

– Դատական գործով ներկայացվել է երեք պահանջ: Առաջին պահանջը վերաբերում է արատավորող արտահայտության համար ներողություն խնդրելուն, որի ներողության ձևաչափը Հայցվոր կողմը դատարան է ներկայացրել: Երկրորդ պահանջը վերաբերում է գենդերային խտրականության հիմքով խտրականության փաստը հաստատելու մասին, քանի որ Հայցվոր կողմը գտնում է, որ Պատասխանողը թիրախավորելով Հայցվորի սեռը վիրավորել է Հայցվորին, վիրավորանքը պայմանավորված է Հայցվորի սեռով: Երրորդ պահանջը վերաբերում է Հայցվորի ազատ խոսքի միջամտությանը, քանի որ ըստ Հայցվորի, Պատասխանողը ուղղակի դիտավորությամբ վիրավորել է՝ սահմանափակելով Հայցվորի մասնագիտական գործունեությունը: Տեսանյութից ակնհայտ է, որ վիրավորանքը տեղի է ունեցել Հայցվորի մասնագիտական պարտականությունները կատարելիս, իսկ վիրավորանքը պայմանավորված է հենց այդ գործունեության ընթացքում՝ պետական պաշտոնատար անձի կողմից այն չեզոքացնելու համար:

– Ինչո՞վ է այս գործը տարբերվում մնացած այլ նմանատիպ գործերից:

– Այս գործը հիմնականում առանձնանում է Հայցվորի և Պատասխանողի մասնագիտական և պաշտոնական կարգավիճակներով: Այս գործում մեկ կողմը հանդես է գալիս որպես իր մասնագիտական գործունեություն իրականացնող լրագրող, իսկ մյուս կողմում հանդես է գալիս պաշտոնատար անձ: Ընդ որում, վեճը ծագել է երկու անձանց իրենց աշխատանքային պարտականությունների ընթացքում, իրավունքների սահմանափակումը ամբողջապես պայմանավորված է Հայցվորի մասնագիտական գործունեության ընթացքում Պատասխանողի կողմից ղեկավարվող մարմնի վերաբերյալ «ոչ ցանկալի» հարցերի արդյունքում Պատասխանողի բացասական վերաբերմունքով: Համացանցում առկա տեսանյութում հստակ երևում է Պատասխանողի՝ լրագրողների հարցերի պատասխանների բացասական բովանդակությունը, որի ընթացքում առկա է այլ արտահայտություններ լրագրողների հասցեին: Այդ ամենը ևս մեկ անգամ ապացուցում է, որ Հայցվորին հասցված վիրավորանքը հիմնականում պայմանավորված է վերջինիս լրագրող լինելու, ինչպես նաև «ոչ ցանկալի» հարցեր տալու հանգամանքներով: ՀՀ Սահմանադրական դատարանը դեռևս 2011թ իր ՍԴՈ-997 որոշման մեջ անդրադառնալով քաղաքական գործիչների դեմ ուղղված քննադատության սահմաններին, նշել է, որ «Հասարակական և քաղաքական (հանրային) գործիչների դեմ ուղղված քննադատության սահմաններն առավել լայն են, քան մասնավոր անձանց դեպքում: Ի տարբերություն վերջինների` հասարակական և քաղաքական գործիչների գործունեությունն ավելի հրապարակային է, ուստի ավելի մեծ հանդուրժողականություն է պահանջում»:

– Ի՚՞նչ դատավարական դիրք է բռնել Պատասխանող կողմը, ինչ հնարավոր նպատակ է հետապնդում:

– Պատասխանող կողմը շարունակում է պնդել այն դիրքորոշումը, որը կար մինչ դատական գործընթացը։ Ոստիկանության պաշտոնական կայքը միջադեպից մի քանի օր անց տարածել էր հայտարարություն, որտեղ նշել էր, որ Սիրանույշ Պապյանի նկատմամբ Վլադիմիր Գասպարյանի արտահայտությունը ‹‹համաչափ պատասխան էր››, քանի որ լրագրողը ‹‹սադրիչ›› հարցեր էր տալիս։ Պատասխանող կողմը դատարանում շարունակեց պնդել այն, ըստ էության, այն համարելով իրավունքների պաշտպանության միջոց։

– Ինչո՞ւ է Պատասխանողը այդպիսի մարտավորություն ընտրել, որն է վերջինիս օգուտը և հնարավոր է, որ այն ունենա հակառակ ազդեցություն:

– Պատասխանողի նման դիրքորոշումը չունի որևէ իրավական բովանդակություն։ Արձանագրված փաստ է, որ տեղի է ունեցել վիրավորանք Հայցվորի պատվի և արժանապատվության նկատմամբ, այն տեղի է ունեցել հրապարակային, ուղղակի դիտավորությամբ և անհասկանալի է, թե ինչ իրավական հնարավորության հիման վրա է Պատասխանողը շարունակում հերքել հասարակության մեջ արդեն իսկ հայտնի փաստը։ Դժվար է պատկերացնել, թե ինչ իրավական հետևանքներ կարող են լինել, եթե Դատարանը չգտնի առկա փաստակազմի մեջ իրավունքների խախտում։ Կստացվի մի իրավիճակ, որ հասարակության մեջ «ես քո մեջ տղամարդ չեմ տեսնում›› և ‹‹ես քո մեջ կին չեմ տեսնում›› արտահայտությունները վիրավորական չեն և կարող են օգտագործվել։

– Հայցվորի որ հիմնարար երաշխիքներն են խախտվել, ինչպիսի դիրքորոշում ունի միջազգային հանրությունը նմանատիպ դեպքերի առնչությամբ:

Նախ, Պատասխանողի կողմից անտեսվել է Հայցվորի ՀՀ Սահմանադրության 3-րդ և 23-րդ հոդվածներով երաշխավորված իրավունքը՝ Հայցվորի արժանապատվության անքակտելիությունը։ Խախտվել է ՀՀ Սահմանադրության 29-րդ հոդվածով երաշխավորված խտրականության արգելքի սկզբունքը։ Պատասխանողի կողմից Հայցվորի իրավունքների միջամտությամբ խախտվել է Հայցվորի մասնագիտական գործունեությունը ազատորեն իրականացնելու իրավունքը՝ տեղեկություններ փնտրելու և տարածելու ազատությունը։ Պատասխանողի կողմից Հայցվորի իրավունքների խախտման արդյունքում շահագրգիռ է նաև հանրությունը, քանի որ այն տեղեկատվությունը, որը Հայցվորը ցանկանում էր ստանալ միջադեպի ժամանակ և փոխանցել հանրությանը, հանրային հետաքրքրության շրջանակների մեջ է։ Անխոս, ոստիկանության աշխատանքը հասարակության ուշադրության կենտրոնում է։

– Ի՞նչ դիրքորոշում է հայտնել հայ հասարակությունը տեղի ունեցած դեպքի վերաբերյալ:

– Դատական գործում առկա է բազմաթիվ անձանց կողմից Պատասխանողի գործողությունները դատապարտող հայտարարություններ։ Այդ անձինք հասարակության անդամներ են, որոնք նշում են կնոջը, լրագրողին վիրավորելու անթույլատրելիության մասին։ Այդ անձինք այն հազարավոր անձանցից են, որոնք համոզված են, որ արտահայտությունը վիրավորական է, և Պատասխանողը հրապարակային պետք է ներողություն խնդրի Սիրանույշ Պապյանից։

Վլադիմիր Գասպարյանի պաշտպան Տիգրան Աթանեսյանը Տիգրան Աթանեսյանը այլևս չի ներկայացնի ՀՀ ոստիկանության պետ Վլադիմիր Գասպարյանի շահերը։ Ի՞նչ ազդեցություն կարող է ունենալ գործին այդ հանգամանքը:

Պետք է արձանագրել, որ ի սկզբանե պատասխանողի ներկայացուցիչ Տիգրան Աթանեսյանի պահվածքը դատավարությունում մտահոգիչ էր, քանի որ դատավարական գործողությունների փոխարեն դատարանում, զանգվածային լրատվության միջոցներով և սոցիալական ցանցերով բազմաթիվ անգամ հնչեցվել է Պատասխանողին և փաստաբանին ոչ հարիր՝ ընդհուպ վիրավորող արտահայտություններ: Չենք կարող պնդել, թե այդ պահվածքը Պատասխանող Վլադիմիր Գասպարյանի հանձնարականն էր, սակայն կարծում ենք, որ այդ պահվածքը ցուցաբերվում էր շատ դեպքերում հրապարակային և մեծ է հավանականությունը, որ Պատասխանող Վլադիմիր Գասպարյանը տեղյակ էր դրանից:

Փաստաբանի փոխարինումը դատական գործին իրավական առումով որևէ ազդեցություն չի կարող ունենալ, քանի որ բոլոր ապացույցները և փաստերը ներկայացված են, և Սիրանույշ Պապյանի իրավունքների խախտումները ավելին քան բացահայտ են:

Հուսով ենք, որ այս ամենը չի հանգեցնի դատական նիստի հետաձգմանը, քանի որ ինչպես նշել ենք, վիրավորանքի և զրպարտության գործերով խախտված իրավունքից բխում է, որ գործը պետք է քննվի հնարավորինս սեղմ ժամկետներում, իսկ սույն գործով արդեն իսկ խախտվել է Սիրանուշ Պապյանի ողջամիտ ժամկետում արդար դատաքննության իրավունքը: Այն դեպքում, երբ այս անգամ նույնպես Պատասխանողի գործողությունների հետևանքով դատական նիստը կհետաձգվի, պատրաստ ենք իրականացնել բոլոր հնարավոր միջոցները ողջամիտ ժամկետում արդար դատաքննության իրավունքի խախտման փաստը հաստատելու համար:

 

Բաժիններ
Ուղիղ
Լրահոս
Որոնում