Սուխում քաղաքում սպանվել է Աբխազիայում Ռուսաստանի դեսպանատան հյուպատոսական բաժանմունքի առաջին քարտուղարն ու փոխհյուպատոսը: Ինչպես RBK-ին հայտնել է դեսպան Սեմյոն Գրիգորևը, Դմիտրի Վիշերնևը մահացել է գլխին ստացած հրազենային վնասվածքից:
Սպանությունը կատարվել է այսօր առավոտյան, Երևանի ժամանակով 08.40-ին: 36-ամյա դիվանագետի դեմ մահափորձը կատարվել է Աբխազիայի մայրաքաղաքի Նազաձե փողոցի ավտոտնակներից մեկի մոտ: Մոտակա շենքում բնակվել է դիվանագետը: Վիշերնևի կողքին գտնվել է նրա կինը: Վերջինս ողջ է մնացել, սակայն ծանր վիրավոր է:
Դեսպանը դեռևս պատրաստ չէ մեկնաբանել կատարվածը և ասել, թե արդյոք այն կապված է երկու երկրների միջև դիվանագիտական հարաբերությունների հաստատման 5 ամյակին:
Ներկայում կատարվում է հետաքննություն: Փաստի առթիվ հարուցվել է քրեական գործ:
