Կատալոնական «Բարսելոնա»ն դիմել է թիմի նախկին ֆուտբոլիստ Էրիկ Աբիդալին` ֆուտբոլիստի հայտարարության վերաբերյալ բացատրություններ տալու խնդրանքով: Հիշեցնենք` նախորդ մրցաշրջանի ավարտից հետո «Մոնակո» տեղափոխված ֆուտբոլիստը հայտարարել էր, որ բուժման ամիսների ընթացքում «կապտանռնագույններ»-ը չեն վճարել իր աշխատավարձը:
«Երկու կողմերը հաստատում են, որ ակումբը պատշաճ կերպով է կատարել պայմանագրով նախատեսված պարտավորությունները: 2012 թվականի հունվարին «Բարսելոնա»-ն նոր պայմանագիր է առաջարկել Աբիդալին, չնայած ֆուտբոլիստի առողջական վիճակի վատթարացմանն ու այնուհետև տարած վիրահատությանը: Այն աշխատավարձի զգալի բարձրացում էր նախատեսում: Պայմանագաիրը ստորագրվեց:
2012 թվականի մարտին Աբիդալի մոտ կրկին առողջական վիճակի վատթարացում նկատվեց, սակայն կատալոնական ակումբը միակողմանի չլուծարեց պայմանագիրը, ինչպես նախատեսված էր կետերից մեկով:
Փոխադարձ համաձայնությամբ պայմանագիրը դադարեցվեց մինչ այն պահը, երբ Աբիդալը խաղադաշտ դուրս գալու հնարավորություն ունենա: Այդ ընթացքում պաշտպանը համաձայնեցված աշխատավարձ էր ստանում, իսկ վերադարձից հետո` պայմանագրով նախատեսված գումարը:
2013 թվականի հունիսին պայմանագրի ժամկետը լրանում էր, և ակումբն ու Աբիդալը լուծարեցին այն»,- գրված է «Բարսելոնա»-ի պաշտոնական կայքում:
