Thursday, 28 03 2024
00:58
Հայաստանի հավաքականն ընկերական խաղում զիջեց Չեխիային
00:54
Վրաստանի ֆուտբոլի ազգային թիմը Եվրոպայի առաջնության ուղեգիր նվաճեց
22:12
Հայաստանի ֆուտբոլի ազգային թիմը Երևանում զիջեց Կոսովոյին
14:53
2 ոսկե, 1 արծաթե, 1 բրոնզե մեդալներ. աշխարհի գավաթի արդյունքները
15:46
Ավելին կարող էի, կուղղեմ սխալներս. Եվրոպայի կրկնակի չեմպիոն Գոռ Սահակյան
15:44
Ուժերս հավաքեցի, կռիվ տվեցի ու առաջին տեղը գրավեցի. Ալեքսանդրա Գրիգորյան
15:42
Արեցի՝ ինչ կարող էի ու հաղթեցի. Եվրոպայի չեմպիոն Վարազդատ Լալայան
15:41
Չեմպիոնության ճանապարհը հեշտ չէր. Հակոբ Մկրտչյան
15:40
Մեդալի գույնը կապ չունի. կարողացա խոստումս պահել, բարձրացնել մեր դրոշը, Հռիփսիմե Խուրշուդյան
21:10
Զուռնա-դհոլով ու դափնիներով դիմավորեցին չեմպիոններին
16:11
Չեմպիոնության համար էի գնացել, հավատում էի, որ կհասնեմ. Արման Անդրեասյան
16:10
Նախ՝ ադրբեջանցի, հետո էլ՝ թուրք մրցակիցներին հաղթեց 10-0 հաշվով ու դարձավ Եվրոպայի քառակի չեմպիոն
Ինչպես գործարքի գնալ ռուսների հետ․ Մանրամասներ Սևիկյանի տրանսֆերից
300․000 եվրո` Ռուսաստանից գնալու համար․ Հայ ֆուտբոլիստի որոշման արժեքը․․․
Մխիթարյանի պատմական ցուցանիշը․ Հայ ֆուտբոլիստը` լավագույն հնգյակում
12:45
Հայաստանի ռեկորդն առանց աշխարհի չեմպիոնի
Լավագույն տղերքը վերադառնում են․ Ֆուտբոլը փրկելու առաջին քայլը․․․
Ռուսաստանի լավագույններն առանց ռուսների․ Ո՞վ կհաջորդի Զախարյանին
«Փյունիկի» պատասխանը ՀՖՖ-ին․ Արթուր Սողոմոնյանը կփոխի՞ որոշումը
Սպերցյանը՝ «Յուվենտուսի» դիտակետում․ Ե՞րբ կկայանա գործարքը
Տարվա գործարքը․ Նոր պայմաններ Հայաստանի լավագույն ֆուտբոլիստի համար
Հաղթել ենթախմբում․ Ինչ է սպասվում Հայաստանի հավաքականին 2024 թվականին
Հայաստան-Ալբանիա․ 2024 թ․ առաջին մեծ իրադարձությունը հայկական սպորտում
2023 թվականի Հայաստանի 10 ամենթանկ ֆուտբոլիստները
12:40
Պատական հաջողություն Երևանում․ 2023 թվականի ոսկե փայլատակումը հայկական սպորտում
12:40
+128 մեդալ․ Հայաստանի նոր ռեկորդը սպորտում
Ինչ է արել Պետրակովը Հայաստանի հավաքականի համար․ Թվեր և փաստեր
Ալեքսանդր Պետրակովը՝ Հայաստանի 2023 թ. լավագույն մարզիչ
Հենրիխ Մխիթարյանը՝ Հայաստանի 2023 թ. լավագույն ֆուտբոլիստ
ՀՖՖ-ի որոշումը Պետրակովի վերաբերյալ․ Գալիք տարվա մեր նպատակը․․․

Իսկ Մխիթարյա՞նը. Մոուրինյոն բացում է փակագծերը, բայց…

Շնորհիվ Հենրիխ Մխիթարյանի խփած գոլի՝ «Մանչեսթեր Յունայթեդը» դրական արդյունք ցույց տվեց Եվրոպայի լիգայի խաղարկության խմբային փուլի «Անդերլեխտի» հետ արտագնա խաղում: Հայաստանի հավաքականի ավագը ՈՒԵՖԱ-ի պաշտոնական կայքում կայացած քվեարկության արդյունքով ճանաչվել է հանդիպման լավագույն ֆուտբոլիստ:

«Ունեինք դարպասը գրավելու բազմաթիվ հնարավորություններ: Վերահսկում էինք խաղի ընթացքը, տիրում էինք գնդակին, բայց խփեցինք ընդամենը մեկ գոլ: Ունեինք դիմակայության ելքը վճռելու բազմաթիվ հնարավորություններ, բայց մենք դրանք կորցնում էինք գնդակը վատ կասեցնելու, կորցնելու, սխալ որոշումների հետևանքով: Լավ խաղացինք պաշտպանությունում, բայց մրցակցի մեկ պահը հանգեցրեց գոլի: Պետք է լրջանալ: Պաշտպանները լավ կատարեցին իրենց պարտականությունը, բայց նրանք, ովքեր պետք է եզրափակեցին գրոհները, թույլ գործեցին: Ռեշֆորդը, Լինգարդը, Իբրահիմովիչն ու Մարսիալը ցուցադրեցին շատ միօրինակ ֆուտբոլ»,- խաղից հետո ասել է «Յունայթեդի» գլխավոր մարզիչ Ժոզե Մոուրինյոն:

Պորտուգալացի մասնագետը թերևս առաջին անգամ քննադատության ենթարկեց, մասնավորապես, Իբրահիմովիչին և Ռեշֆորդին: Վերջին շրջանում նա շարունակ դժգոհում էր հարձակման օղակի խաղացողների անատամ գործողություններից, բայց չէր ցանկանում անուններ հնչեցնել: Մոուրինյոն վերջապես բացեց փակագծերը:

Նկատենք, սակայն, որ մատնանշելով իր թիմի թույլ կողմերը՝ նա կրկին անգամ կարծիք չի հայտնում Մխիթարյանի ցուցադրած խաղի վերաբերյալ: Հնարավոր է՝ Մոուրինյոն ավելորդ է համարում խոսել մի բանի մասին, որն ակնհայտ է: Հնարավոր է՝ Մոուրինյոն, ընդունելով Մխիթարյանի բարձր որակները և մեծ պրոֆեսիոնալ լինելու հանգամանքը, կարծում է, որ նա չունի գովեստի խոսքերի կարիք:

Անգլիայի Պրեմիեր լիգայի 32-րդ տուրում «Սանդերլեդի» հետ հանդիպումից հետո Մոուրինյոն հայտարարել էր, որ մրցավեճի ելքը վճռել էր Իբրահիմովիչը, ով դարձել էր առաջին գոլի հեղինակը: Թեև այս մրցավեճում Մխիթարյանը ևս դարձել էր գոլի հեղինակ և աչքի ընկել տպավորիչ խաղով, պորտուգալացի մասնագետը կրկին չէր անդրադարձել նրա գործողություններին:

Գրավելով «Անդերլեխտի» դարպասը՝ Հենրիխ Մխիթարյանը կրկնեց «Յունայթեդի» բոլոր ժամանակների լավագույն հարձակվողների շարքում դասվող հոլանդացի Ռուդ վան Նիստելռոյի ցուցանիշը: Այս ֆուտբոլիստը Եվրոպայի լիգայի խաղարկությունում չորս արտագնա խաղերում անընդմեջ նույնքան գոլի հեղինակ է դարձել: Տևական դադարից հետո միայն Մխիթարյանին է հաջողվել նման արդյունք ցույց տալ: Մեր կիսապաշտպանն աչքի էր ընկել «Զարյայի», «Սենտ Էտյենի» և «Ռոստովի» հետ հանդիպումներում:

Ի դեպ, «Անդերլեխտի» դարպասը խփած գոլին անդրադարձել է անգլիացի հանրահայտ ֆուտբոլիստ Մայքլ Օուենը: Նա նկատել է, որ հայ կիսապաշտպանը աչքի է ընկել բավական բարդ դիրքից: «Տվյալ դրվագում բոլորը գոլի էին սպասում: Ուշադիր դիտելու դեպքում, սակայն, համոզվում ենք, որ դիրքից, որտեղից Մխիթարյանը հարվածեց, այդքան էլ հեշտ չէր արդյունքի հասնելը: Շատերը կմտածեն, որ դարպասը դատարկ էր, հեշտությամբ կարելի էր գնդակը ցանցն ուղարկել: Բայց երբ գնդակը շարժվում է, և ձախ ոտքով պետք է հարվածես… Հաշվի առնենք նաև չափազանց սուր անկյունը: Շատ կարևոր էր ճիշտ տեխնիկայի օգտագործումը»,- նշել է Օուենը:

Ինչևէ, վերլուծելով «Յունայթեդի» խաղը՝ կարող ենք ասել, որ ոչ այնքան ուժեղ մրցակցի դեմ անգլիական թիմը ցուցադրեց ակտիվ, բայց ոչ սուր խաղ: Լինգարդը և Ռեշֆորդը կրկին անգամ արգելակում էին խաղի ռիթմը: Խաղի տոնուսի վրա էապես ազդում էր նաև Պոգբան: Եթե ուշադրություն դարձնենք՝ երբ ֆրանսիացի կիսապաշտպանի նկատմամբ խախտում են կանոնները, նա մոտ 20 վայրկյան նստած մնալով՝ դժգոհում է, այսպես ասած՝ «մունաթ գալիս» չգիտես ում վրա: Այդ ընթացքում խաղը շարունակվում է առանց կենտրոնական կիսապաշտպանի, որը առանցքային դերակատարում պետք է ունենա գրոհների կազմակերպման գործում:

Հաջորդ հանդիպումը «Մանչեսթեր Յունայթեդը» կանցկացնի ապրիլի 16-ին՝ Անգլիայի Պրեմիեր լիգայի 33-րդ տուրի շրջանակներում մրցելով Լոնդոնի «Չելսիի» հետ:

Բաժիններ
Ուղիղ
Լրահոս
Որոնում