Այսօր Երևանի Թաթուլ Կրպեյանի անվան զբոսայգում տեղադրված՝ ապրիլյան քառօրյա պատերազմի զոհերին նվիրված հուշաքար-խաչքարի մոտ հարգանքի տուրք մատուցվեց հերոսների հիշատակին: Միջոցառման կազմակերպիչներն են Հայաստանի երիտասարդական հիմնադրամը և Հայաստանի պետական տնտեսագիտական համալսարանի ուսանողական խորհուրդը։
Միջոցառմանը ներկա էին ՀԵՀ հոգաբարձուների խորհրդի համակարգող, ՀՀ ԱԺ պատգամավոր Կարեն Ավագյանը, ՀՊՏՀ ռեկտոր Կորյուն Աթոյանը, ինչպես նաև ապրիլյան պատերազմի մասնակիցներ և ուսանողներ:
«Քառօրյա պատերազմից դասեր քաղեցինք: Պատերազմը չի ավարտվել, զգոնությունը չպետք է կորցնենք»,- լրագրողների հետ զրույցում ասաց Կորյուն Աթոյանը՝ հավելելով, որ հիմա բոլորի ուշադրության կենտրոնում բանակն է, զինվորը և սահմանը:
Մանրամասները՝ տեսանյութում:
