«Շատ քիչ են այն քաղաքական ուժերը, որոնք դեմ են եվրոպական գծին: Օրինակ՝ նախընտրական քարոզչության շրջանում նախաստորագրվեց ԵՄ հետ շրջանակային համաձայնագիրը, և որքան էլ հերքեն, դա ԵՄ կողմից աջակցություն էր Հայաստանի այդ քաղաքական գծին, որպեսզի ՀՀԿ-ն չդիտվի որպես այնպիսի քաղաքական ուժ, որը դեմ է այդ գծին, այլ որպես ուժ, որը զգուշավոր, բայց հետևողականորեն այդ գիծը տանում է»,- «Առաջին լրատվական»- ի հետ զրույցում այս մասին ասաց Երևանի մամուլի ակումբի նախագահ Բորիս Նավասարդյանը:
Նրա խոսքով՝ «Ծառուկյան» դաշինքը նույնպես ցույց տվեց, որ որոշ չափով ունի գործընկերներ Եվրոպայում, և կային նաև մեկ-երկու կուսակցություններ, որոնք այս կամ այն չափով եվրոպական թեման առաջարկում էին ընտրողներին:
«Դեռ 2013-ին մենք ասում էինք, որ այդ բոլոր ուժերի համախմբման կարիք կա: Փաստորեն մենք շատերի կողմից չտեսանք հստակ դիրքորոշում և ծրագիր, թե ինչպես են իրենք տեսնում ՀՀ-ԵՄ հարաբերությունների մերձեցումը: Այդ թեմայով շատ հայտարարություններ լուրջ չէին: Այդ հարցը ամբողջ ընտրարշավի ժամանակ մարգինալ դաշտում էր գտնվում, այն կարևոր հարց չդարձավ և ընտրողը առաջնորդվում էր այլ առաջարկներով»,- նշեց Բ. Նավասարդյանը:
Մանրամասները՝ տեսանյութում:
