Friday, 29 03 2024
Մեքենան գլորվել է ձորը, վարորդը մահացել է
Լավրովի անփառունակ տապալումը
Փորձել են առանց հայտարարագրման բջջային հեռախոսներ ներկրել
11:45
Որքա՞ն տարածք են ռուսները գրավել այս տարի Ուկրաինայում
Հալեպի վրա Իսրայելի հարձակման հետևանքով զոհվել է 36 մարդ. Al Hadath
11:15
Ռուսական խոշոր հարձակումը կլինի մայիսի վերջին
Բեգլարյանը սպառնացել է նորակառույցի սեփականատերերին իր առանձնատուն բացվող տեսարանի համար
«Միրզոյանի հետ վերջին անգամ շփվել եմ Սկոպյեում․ մենք էինք նախաձեռնել այն». Լավրով
Հայաստանի և Ադրբեջանի խորհրդարանների ղեկավարներն առաջիկայում կրկին կհանդիպեն
«Հայկական ղեկավարությունը սկսում է արտահայտել այնպիսի գաղափարներ, որոնցով Փաշինյանը ձևավորել էր իր «Ելք» շարժումը». Լավրով
«Փաշինյանը միշտ մեզնից խնդրել է չմոռանալ Լեռնային Ղարաբաղի կարգավիճակի հարցը». Լավրով
10:45
«Բրյուսելի հանդիպումը կկենտրոնանա Հայաստանի տնտեսական կայունության վրա». Միլլեր
«Երեկոն Վլադիմիր Սոլովյովի հետ» և «Կիրակի երեկոն Վլադիմիր Սոլովյովի հետ» հաղորդումները Հայաստանում արգելափակվել են
Թումանյան փողոցում ծառի ճյուղն ընկել է էլեկտրական լարերի վրա
Սուրեն Պապիկյանը հետևել է «Բաղրամյան» զորավարժարանում անցկացված զորախաղերին
10:15
Նավթի գներն աճել են. 28-03-24
Լուրերի առավոտյան թողարկում 10:00
Քարաթափում Լանջազատ գյուղի մոտակայքում
Սյունիքի միջանցքի հարցը չլուծվեց՝ անցան Տավուշ. ռուս-ադրբեջանական նոր խաղեր
Թթուջուր-Նավուր ավտոճանապարհը փակ է
Եվլախը իր ճակատին դաջած անձը գուցե հրահանգ ունի ազգամիջյան բախումներ հրահրելու
Տեղումներ չեն սպասվում
Կա ահաբեկչության վտանգ․ ՌԴ հատուկ ծառայությունները հիբրիդային պատերազմ են մղում Հայաստանի դեմ
Ոսկեպարցիներն անհամբեր սպասում են. «Հրապարակ»
Գյումրիում Նիկոլ Փաշինյանին շատ «ջերմ» ընդունելություն են ցույց տվել. «Ժողովուրդ»
Իշխան Սաղաթելյանի հոր նկատմամբ դատախազությունը հարուցել է քրեական հետապնդում. «Հրապարակ»
Դիանա Գալոյանը նոր պաշտոն կստանա՞. «Հրապարակ»
08:30
Live. «Առաջին լրատվական» տեղեկատվական-վերլուծական կենտրոն
Նոր դիվանագիտական սկանդալ է հասունանում արտգործնախարարությունում. «Ժողովուրդ»
Նիկոլ Փաշինյանը ոչինչ չի խնայում իր անձնական պաշտպանությունն անխոցելի դարձնելու համար. «Հրապարակ»

Սասուն Միքայելյան. «Ինչ դժվարություն էլ լինի` ես շարունակելու եմ պայքարել» (տեսանյութ)

«Ես ներկա դրությամբ շարունակելու եմ պայքարել՝ համաներումը ոչ մի նշանակություն չունի:

Նման հայտարարությամբ հանդես եկավ Արցախյան ազատամարտի հերոս, ԱԺ նախկին պատգամավոր և արդեն նախկին քաղբանտարկյալ Սասուն Միքայելյանը` դուրս գալով Արդարադատության նախարարության «Դատապարտյալների հիվանդանոց» ՔԿՀ-ից: Նրան դիմավորելու էին եկել նրա երկու որդիները, հարազատները, Հայ ազգային կոնգրեսի առաջնորդներն ու երեք տարի շարունակ անդադար պայքարի մեջ մտած ՀՀ ազատ քաղաքացիները: Իսկ «Դատապարտյալների հիվանդանոց» ՔԿՀ-ից Կոնգրեսի առաջնորդներն ու ակտիվիստները նրան ձեռքերի վրա պահած դուրս բերեցին:

Սասուն Միքայելյանը պատրաստակամորեն պատասխանեց նաև լրագրողներին հետաքրքրող հետևյալ հարցերին

– Իշխանության կողմից տեսակետ է հնչում, թե պետությունը համաներմամբ իր գթասրտությունն է հայտնում սխալված մարդկանց նկատմամբ: Ինչպե՞ս եք գնահատում այս հայտարարությունը:

– Ես գիտակից տարիքից, հատկապես 88թ.-ից հետո երբեք չեմ սխալվել: Եղել եմ իմ ազգի զինվորը: Ավելին` իմ կրած այս երեք տարի 3 ամիս կալանքը էլի իմ ազգի ազատության համար է եղել: Սակայն ինչ նեղություն, դժվարություն էլ լինի, ես շարունակելու եմ պայքարել:

– Իսկ ինչո՞ւ 2009թ.-ի համաներմամբ Ձեզ ազատ չարձակեցին, այլ հիմա են ազատում: Ինչպե՞ս կմեկնաբանեիք այս հանգամանքը:

– Դա հարցրեք իշխանություններից:

– Ձեր կարծիքով, ինչ-որ խնդիր լուծե՞ց այս ընթացքում իշխանությունը:

– Խնդիրը լուծեց նրանով, որ ես մնացի այստեղ: Չգիտեմ: Չեմ ցանկանում քաղաքականացնել, թող իրենք իրենց մեղքը գնահատեն: Ես ոչ մի մեղք չեմ գործել: Իսկ ինչ վերաբերում է ընդհանուր իշխանության արած քայլին` ես ճիշտ չեմ գնահատում: Հատկապես իմ հանդեպ: Ես ամբողջ կյանքս ծառայել եմ իմ ազգին, իմ ժողովրդին: Երկար տարիներ ընտրված պատգամավոր, քաղաքապետ եմ եղել: Նման քայլ գիտակցաբար իմ հանդեպ պետք է չանեին:

– Ի՞նչ քաղաքական ծրագրեր ունեք ազատվելուց հետո:

– Ինչ կոնգրեսն է որդեգրել, շարունակելու եմ իրենց հետ իրականացնել: Հիվանդությանս համար էլ չեմ գնա Հայաստանից: Ես փախնող չեմ որոշ մարդկանց պես: Ես մնալու եմ և պայքարելու եմ: Թեկուզ հարթակում մեռնեմ, սիրտս այնտեղ կանգնի` ես իմ ժողովրդի հետ եմ լինելու:

– Այս ամբողջ զրկանքներից հետո, ինչպե՞ս եք վերաբերվում իշխանության և ՀԱԿ-ի միջև հնարավոր համագործակցությանը, երկխոսությանը:

– Ինչ-որ տեղ Հայաստանում նման երևույթ առաջին անգամ է ձևավորվել` կառուցողական ընդդիմության և իշխանության միջև հրապարակային երկխոսություն է սկսվել: Եթե օձի, արջի պատմություն չլինի, եթե իրոք մաքուր երկխոսություն է` ես ընդունում եմ, որովհետև այսօրվա մեր ներքաղաքական իրավիճակը, արտագաղթը, սոցիալ-տնտեսական վիճակը, ընդհանուր մեր երկրի վիճակը, Ղարաբաղի հարցը ճակատագրական են: Իսկ եթե պատմությունը ուսումնասիրենք, կտեսնենք, որ ճակատագրական, վճռական պահին մենք միշտ մասնատվել ենք և չենք կարողացել մեր սկիզբը վերջի հետ կապել: Եթե Կոնգրեսը գտնի, որ իրոք ճիշտ նորմալ երկխոսության է գնում, ես Կոնգրեսի հետ պատրաստ եմ ընդառաջել ու գնալ երկխոսության:

– Ի՞նչ է, կասկածնե՞ր ունեք, որ մաքուր չէ:

– Ես մաքուր տղա եմ և երբեք կասկած չեմ ունենում: Ես միշտ գնում եմ այնտեղ, որտեղ համարում եմ ճիշտ:

– Գաղտնիք չէ, որ Դուք քաղաքական գործընթացներից զատ, Սերժ Սարգսյանի հետ անձնապես մտերիմ հարաբերություններ ունեք: Ձեր անձնական հարաբերություններում սև բծեր կա՞ն, թե՞ դրանք կվերականգնվեն:

– Իմ և Սերժ Սարգսյանի միջև երբեք սև բծեր չեն եղել և չեն էլ կարող լինել, որովհետև ես և Սերժ Սարգսյանը եղել ենք մարտական ընկերներ: Եկեք այս ամենը երկու հարթության վրա դնենք: Ես և Սերժ Սարգսյանը եղել ենք մարտական ընկերներ, պատերազմի դաշտում ունեցել ենք մեկ թշնամի և պայքարել ենք թշնամու դեմ: Մարտական ընկերները երբեք չեն բաժանվում: Իսկ եթե գանք քաղաքական դաշտ, ապա քաղաքական հարաբերությունների մեջ մենք չենք կարողացել համագործակցել: Ես ասել եմ այն, ինչ ասել եմ երեք տարի առաջ` լինելով «Հանրապետական» կուսակցության անդամ: Ոչ մի բան չի փոխվում իմ անձնական հայացքների մեջ: Այս ընթացքում որոշ մարդիկ ասում էին` Միքայելյան Սասունը դավաճանել է Սերժ Սարգսյանին: Հիմա ես առաջին անգամ հայտարարություն եմ անում. ես Սերժ Սարգսյանի վարչապետ եղած ժամանակ իր աշխատասենյակում ասել եմ, եթե նման մարդկանց հետ գնաս ընտրությունների` ես չեմ գա քո հետ նախագահական ընտրություններին: Ավելին` եթե Սերժ Սարգսյանը այս տարիների ընթացքում երկրում ընդհանուր ներքաղաքական, սոցիալ-տնտեսական վիճակը կարգավորած լիներ` ես գոռոզ տղա չեմ, ես ներողություն կխնդրեի իմ ընկերոջից: Բայց այն, ինչ ասում էի 3 տարի առաջ, այսօր կատարվեց: Հիմա մարդիկ թող մտածեն` ումից պետք է ներողություն խնդրեն: Ե՞ս պետք է ներողություն խնդրեմ, թե՞ «Հանրապետական» կուսակցությունը:

– Կպահանջե՞ք Սերժ Սարգսյանի հրաժարականը:

– Ինչի՞ համար Սերժ Սարգսյանի հրաժարականը պահանջեմ: Կոնգրեսը կորոշի:

– Առաջիկա խորհրդարանական ընտրություններում առաջադրելո՞ւ եք ձեր թեկնածությունը:

– Եթե իմանամ երբ է առաջիկա խորհրդարանական ընտրությունները` կասեմ: Նկատի ունեմ արտահերթ և հերթական ընտրությունների հավանականությունը:

– Հերթականի դեպքում` 2012թ.-ի խորհրդարանական ընտրություններում առաջադրելո՞ւ եք ձեր թեկնածությունը:

– Եթե պետք լինի Կոնգրեսին` կմասնակցեմ: Բայց մեծամասնական ընտրությամբ:

– Իսկ դիմելո՞ւ եք դատարան ձեր արդարացման համար:

– Ես արդար տղա եմ, աշխարհն էլ եթե շուռ գա: Ես դատարան չեմ դիմում, դատարա՞նը ինձ պետք է արդարացնի: Ես հոգով եմ ազատ և արդար:

– Քաղաքական գործընթացները հնարավոր է հանգեցնեն նրան, որ Ղարաբաղի ազատազրկված տարածքները հետ վերադարձվեն: Դուք ի՞նչ դիրքորոշում ունեք այս հարցում:

– Ես կռվող տղա եմ և ոչ մի տարածք չունեմ վերադարձնելու` անկախ քաղաքական հայացքներից: Ես եղել եմ զինվոր, հետագայում նաև քաղաքական գործիչ, սակայն իմ քաղաքականության մեջ միշտ հոգի եմ դրել: Ես չեմ կարող ազատազրկված տարածքները հետ վերադարձնել: Չեմ էլ ժխտում, որ ընդհանուր ներքաղաքական վիճակում ամեն ինչ հնարավոր է:

– Իսկ եթե Կոնգրեսն էլ համաձայնի տարածքները վերադարձնելո՞ւն:

– Ես վերադարձնելու տարածք չունեմ: Ես զինվոր եմ: Ես տարածքներ եմ գրավել: Կներեք` չեմ գրավել, ազատագրել եմ:

– Այս երեք տարիների ընթացքում ի՞նչ եզրահանգումների եք եկել:

– Երեք տարվա ընթացքում ես միշտ միասնության կոչ եմ արել, որովհետև ճակատագրական պահերին, եթե ուսումնասիրում ենք պատմությունը, մենք միշտ չենք կարողացել համախմբվել, ինչպես ասացի` սկիզբը վերջի հետ կապել: Այսօրվա իմ հիմնական միտքը, գաղափարը, կյանքը, որ դրել եմ զոհասեղանին դեռ 88թ.-ից, նպատակը այն է, որ իրոք կարողանանք այս սկիզբը վերջ ի վերջո մի անգամ վերջին կապենք: Դրա համար ես սատանի հետ էլ կգնամ: Միայն թե իմ ազգի համար լավ լինի: Ես ցանկանում եմ նաև ողջունել այս պատերից հետ մնացած իմ ընկերներին: Այս տարիների ընթացքում սա էլ մի դպրոց էր, որ ես անցա: Այնտեղ շատ մարդիկ կան, շատ ճակատագրեր կան, որ խեղվում են: Հետևաբար` կդիմեի դատական մարմիններին, որ նրանց գործերը վերանայեն: Ոչ մի իշխանություն իրավունք չունի մարդկանց ճակատագրերի հետ խաղալ: Այնտեղ արդար մարդիկ են նստած: Կապ չունի, որ նրանք քաղաքական գործիչ չեն, կապ չունի: Երեք տարի նրանց հետ հաց ենք կտրել, շատ մարդիկ կան, որ անմեղ նստած են: Հերիք է, վերջ տվեք: Մեր նախանձը, որ մեզ ժանգի պես ներսից է ուտում պետք է կարողանանք հանել մեր ներսից:

– Ինչպե՞ս է ձեր առողջությունը:

– Իմ առողջությունը իմ ազգինն է: Երբ ազգը կանգնի` իմ առողջությունն էլ կկանգնի: Իմ սիրտը լեռներում է:

Հ.Գ. Սասուն Միքայելյանը երեկ ավելի ուշ այցելեց Սարյանի արձանի մոտ, իսկ այսօր պատրաստվում է վերադառնալ Հրազդան` հայրենի Վանատուր, որտեղ յուրաքանչյուր ընտանիք պատրաստ է մեկական անասուն մատաղ անել նրա վերադարձի համար: Իսկ դպրոցականները Հրազդանի մուտքի մոտից մինչև Վանատուր ծաղիկներով են դիմավորելու նրան: Եվ այդ ամենը զուգորդվելու է տոնական միջոցառումներով` երգ ու պարով:

Բաժիններ
Ուղիղ
Լրահոս
Որոնում