Համաշխարհային բանկի գործադիր տնօրենների խորհուրդը երեկ հաստատել է 39 միլիոն ԱՄՆ դոլարի վարկը Հայաստանի էլեկտրամատակարարման հուսալիության ծրագրի համար,- այս մասին այսօր լրագրողների հետ հանդիպման ժամանակ ասաց Համաշխարհային բանկի երևանյան գրասենյակի ղեկավար Ժան Միշել Հապին:
«Ներդրումների միջոցով կփոխարինվի Հրազդանի ջերմաէլեկտրակայանից Որոտան Կասկադի հիդրոէլեկտրոկայաններ հասնող հաղորդման գծի շուրջ 230 կմ հատվածը, որը կազմում է հրատապ վերականգնման կարիք ունեցող 220 կվ հաղորդման գծերի գրեթե 45 տոկոսը»,- նշեց Ժան Միշել Հապին:
Նշենք, որ Հայաստանում էլեկտրահաղորդման ենթակառուցվածքը, ըստ Միշել Հապիի, հին է և վատ է պահպանված: էլեկտրահաղորդման ակտիվների միջին տարիքը գրեթե 45 տարի է:
