Հարավկորեական «Ռենհապ» տեղեկատվական պորտալը հայտնում է, որ 2035 թվականին առանց վարորդի մեքենաների համաշխարհային վաճառքը կհասնի տարեկան 20 մլն միավորի։
Տնտեսական արդյունաբերության և առևտրի կորեական ինստիտուտի վերլուծաբանները հետազոտություն են անցկացրել, որից հետո զեկույց ներկայացրել։ Զեկույցում նրանք հայտնել են, որ տարեցտարի ավտոնոմ ռեժիմով աշխատող մեքենաների վաճառքի ցուցանիշն աճում է և 2035 թվականին կհասնի տարեկան մոտ 20 մլն միավորի։ Վաճառքի նման մեծացմանը կնպաստի մեքենաներում կիրառվող տեխնոլոգիաների զգալի զարգացումը։
Վերլուծաբանները ենթադրում են, որ 2020 թվականին արդեն գրեթե բոլոր ավտոսիրողները կփոխարինեն իրենց ավտոմեքենան ավտոնոմ մեքենայով։ Ներկայում Google կորպորացիան BMW և Mercedes-Benz ավտոարտադողների հետ սկսել է մշակել նոր, կատարելագործված մեքենաներ, որոնք վարորդի կարիք չունեն։