Կալիֆոռնիայի Իոսեմիթի ազգային պարկում բռնկված հրդեհը ընդգրկել է 362 քառ. կմ տարածք՝ հաղորդում է AP-ն:
Հրդեհը մոտենում է հիմնական զբսաշրջային երթուղիներին: Ներկայում այն հասնում է Թաոլան շրջանին: Այրվող անտառը փորձում են հանգցնել ավելի քան հազար մարդ:
ՅՈՒՆԵՍԿՕ-ի համաշխարհային ժառանգության մեջ մտնող ազգային պարկերում հրդեհները սկսվել են 10 օր առաջ:
Կալիֆոռնիա նահանգում ստեղծված իրավիճակի պատճառով նահանգապետ Ջերի Բրաունը հայտարարել է արտակարգ իրավիճակ, ինչպես նաև հրաման է արձակել, որը թույլ է տալիս ավելի լայնորեն կիրառել ֆինանսական ռեսուրսները և կրակի դեմ պայքարի հրշեջ տեխնիկան:
