ԱՄՆ-ը մտահոգված է Խոդորկովսկու երկրորդ գործով կայացված որոշման կապակցությամբ: Այս մասին հայտարարել է ԱՄՆ պետքարտուղարության պաշտոնական ներկայացուցիչ Մարկ Թոները:
«ԱՄՆ մտահոգված է Մոսկվայի դատարանի կողմից մայիսի 24-ին կայացրած որոշման կապակցությամբ, որը հավանություն տվեց «ՅՈՒԿՈՍ»-ի ղեկավար Խոդորկովսկու և նույն գործով անցնող Լեբեդևի գործով նախկինում կայացված որոշմանը: Երկրորդ գործով մեղադրական որոշումն այդ երկու անձանց նկատմամբ լուրջ հարցեր է առաջացնում՝ կապված օրենքի ընտրողական կիրառման հետ»,- ասել է Թոները: Նա ավելացրել է, որ բողոքարկման մերժումը հաստատել է Լեբեդևի և Խոդորկովսկու նկատմամբ իրականացվող գործընթացների վերաբերյալ պետքարտուղարության ունեցած մտահոգությունները:
«Ռուսաստանը չի կարող ժամանակակից տնտեսություն զարգացնել առանց անկախ դատական համակարգի, որը գործիք կհանդիսանա հետագա տնտեսական աճի համար և օրենքի առաջ կապահովի հավասարություն»: «Մենք կխնդրեիքն ամերիկյան ընկերություններին ճիշտ հաշվել բոլոր «դեմերը» և «կողմերը» այն մթնոլորտի, որում պատրաստվում են բիզնես վարել»,- ասել է Թոները, որի խոսքերը մեջբերում է RIA-Novosti գործակալությունը:
Հիշեցնենք, որ երեքշաբթի օրը Մոսկվայի դատարանը քննել է Խոդորկովսկու կողմից ներկայացված բողոքարկման դիմումը` նախորդ ատյանի որոշումը չեղյալ հայտարարելու և իրեն ու իր գործընկեր Պլատոն Լեբեդևին ազատ արձակելու համար: Սակայն դատարանն ուժի մեջ է թողել դատավճռը` մեկ տարով կրճատելով պատժաչափը` 2017 թ. փոխարեն գործարարները դուրս կգան 2016թ.: