Արևելաուկրաինական Մակեևկա քաղաքում «Շմել» տեսակի ռեակատիվ համակարգից սպանվել է ռուսամետ դաշտային հրամանատար Միխայիլ Տոլստիխը, որը հայտնի է Գիվի անունով: Ինքնահռչակ Դոնեցկի ժողովրդական հանրապետության կառավարությունը հայտարարել է ահաբեկչության մասին: Գիվին հայտնի է իր ռազմական հանցագործություններով, որոնք տեսագրել է՝ գրում է Bild գերմանական պարբերականը: Օրինակ նա իր 35-ամյակը նշել է ռազմաճակատից մի քանի կիլոմետր հեռավորության վրա՝ շրջապատված տանկերով և երիտասարդ աղջիկներով: Գիվին ծաղրել է նաև ռազմագերիներին:
Ներկայում անհայտ է՝ ով է սպանել նրան: Ռուսական պետական հեռուստատեսությունը մեջբերել է ապստամբների ներկայացուցիչներից մեկի հայտարարությունը, որը համոզմունք է հայտնել, որ բոլոր հանցանշանները մատնանշում են ուկրաինական հատուկ ծառայությունների վրա: Գերմանական պարբերականի տեղեկատվության համաձայն՝ ուկրաինացի ակտիվիստները ևս չեն բացառում, որ Տոլստիխին հնարավոր է սպանել են ուկրաինացիները:
Միևնույն ժամանակ ավելի հավանական է, որ Կրեմլն ուղղակի վերացրել է ևս մեկին, որը մանրամասն տեղյակ էր Ուկրաինայի արևելք ռուսական ներխուժումից՝ գրում է հոդվածագիրը:
«Գիվին գիտեր՝ ով է խոցել ուղևորատար MH17 ինքնաթիռը, և որտեղից են ահաբեկիչները զենք ստացել: Այժմ նա երբեք ոչ մեկին չի պատմի այդ մասին: Իսկ եթե նրան բռնեին…»,-ասել է Լուգանսկի ակտիվիստիներից մեկը:
Կրեմլը միանգամից բացառել է այս տարբերակը: Միխայիլ Տոսլտիխն ուկրաինական իրադարձություններին հենց սկզբից մասնակից առաջին մարդը չէ, որ մահանում է ոչ բնական մահով: Օրինակ 2017թ. հունվարի 27-ին իբրև թե սրտի կաթվածից մահացավ ռուս Վալերի Բոլտովը, որը 2014թ. մայիսից օգոսոտս եղել է Լուգանսկի առաջին ղեկավարը: Ուկրաինացիներից շատերը նրան համարում էին «կենդանի ապացույց» առ այն, որ Ուկրաինայի արևելքում տեղի է ունեցել ոչ թե տեղի բնակչության ապստամբություն, այլ ռուսական ներխուժում:
Իսկ 2016թ. հոկտեմբերի 16-ին ռումբի պայթյունի հետևանքով զոհվեց ռուսամետ հրամանատար Արսենի Պավլովը: Ընդհանուր առմամբ Ուկրաինայի արևելքում ոչ ռազմական գործողություններում զոհվել է Պուտինի 9 «դահիճ»՝ ասվում է հոդվածում:
And for the younger (or pro-Russian) ones of you, who don’t yet know “Givi” and his #WarCrimes – this was him:#RotInHell pic.twitter.com/MNX2PPVnVP
— Julian Röpcke (@JulianRoepcke) February 8, 2017