Այսօր ԱԺ ՀՅԴ-ական պատգամավոր Արա Նռանյանը դրական գնահատեց համաներումը, սակայն խոսեց մտահոգիչ հանգամանքներից:
Ըստ նրա՝ խնդիրն այն է, որ սա 20 տարվա ընթացքում 9-րդ համաներումն է: Ստացվում է, որ 2-3 տարին մեկ մենք իրականացնում ենք այնպիսի ծանրակշիռ քայլ, ինչպիսին համաներումն է: Դրանից հանցագործը կարող է հույս ունենալ, որ ինչ էլ անի-չանի, բանտ ընկնելուց 2-3 տարի հետո կհայտնվի համաներման տակ: Այնինչ, եվրոպական համաներումը ծայրահեղ դեպքերում է իրականացվում:
«Ցավոք, պետք է արձանագրեք, որ համաներումը ավտորիտար համակարգի քայլ է: Այսինքն՝ լցնում են բանտերը, հետո համաներմամբ հանում: Ոչ էլ պետք է գնանք նախկին Խորհրդային միության ավանդույթներով: Հուսով եմ, որ համաներումից հետո դատական համակարգը կբարելավվի, և մենք ստիպված չենք լինի կանգնել նման խնդիրների առջև»,- եզրակացրեց Արա Նռանյանը:
