Բորդոյի City Résidence հյուրանոցում հայտնաբերվել են չորս հոգուց բաղկացած ընտանիքի անդամների մարմինները՝ հաղորդում է The Local-ը:
Ոստիկանները հայտնաբերել են 43- ամյա կնոջ և 45- ամյա տղամարդու մարմիններ՝ կախվելու նշաններով: Նրանց կողքին եղել են երկու 13 և 16 տարեկան դեռահասների մարմիններ: Անչափահասների մահվան պատճառը դեռ չի հրապարակվել:
Տարածաշրջանային Sud Ouest թերթը պնդում է, որ երեխաները նախքան մահը մեծ չափով թմրանյութ են ընդունել: Le Parisien-ը հայտարարել է, որ դեռահասները ակնհայտորեն թունավորված են եղել:
Ոստիկանությունում աղբյուրը հաղորդել է, որ մարմինները հայտնաբերվել են երկուշաբթի կեսգիշերին: Հյուրանոցի համարի դռան վրա «Չմտնել, ոստիկանություն զանգահարել» գրություն է եղել: Նաև հաղորդվում է նամակի մասին, որի տեքստը չի հրապարակվում:
Ընտանիքը ամենայն հավանականությամբ տեղափոխվել է Քեմփեր գավառից Բրետան և հյուրանոցում է հաստատվել օգոստոսի 11-ին:
