Նորվեգացի ահաբեկիչ Անդերս Բրեյվիկի մայրը մահվանից առաջ մանրամասն հարցազրույց էր տվել, որտեղ պատմել էր իրադարձությունների իր տարբերակը՝ հաղորդում է The Local-ը:
Վենկա Բերրինգը մահացել է 2013թ. երկարատև հիվանդությունից հետո, որի պատճառով էլ նա ներկա չէր լինում Բրեյվիկի գործով դատավարությանը:
Նորվեգական NRK հեռուստաալիքի լրագրող Մարիթ Քրիստենսենը պատմել է, որ ահաբեկչությունից հետո շփվել է Վենկայի հետ ամեն օր: Իրադարձությունների վերաբերյալ Բերրինգի տեսակետները պարունակող գիրքը կտպագրվի այս աշնանը:
Վերջին հինգ տարիները Բրեյվիկն ապրել է մոր հետ: Ահաբեկչության իրականացման օրը նա մորը ասել է, որ գնում է համակարգչի համար սարքավորումներ գնելու: Քրիստենսենը նաև նշել է, որ Բերրինգն իրեն չէր մեղադրում նրանում, ինչ արել էր որդին:
