Shamshyan.com-ի փոխանցմամբ՝Ոստիկանության քննչական գլխավոր վարչության Շիրակի մարզի քննչական բաժնի Արթիկի քննչական բաժանմունքում նյութեր են նախապատրաստվում երեկ` օգոստոսի 17-ին, Շիրակի մարզում տեղի ունեցած ավտովթարի փաստով: Ժամը 21:30-ի սահմաններում Արթիկի շտապ բուժօգնության կենտրոնից ոստիկանության Արթիկի բաժին հայտնել են, որ բուժբրիգադը կանչով մեկնել է Արթիկ քաղաքի Բաղրամյան փողոցի վերջնամաս, որտեղից մարմնական վնասվածքներով իրենց մոտ են տեղափոխվել երեք հոգի:
Ինչպես հայտնել է ֆոտոլրագրող Գագիկ Շամշյանը, հիվանդանոց մեկնած ոստիկանության Արթիկի բաժնի օպերատիվ քննչական խումբը` քննիչ Կարեն Փթուկյանի գլխավորությամբ պարզել են, որ նույն օրը ժամը 20:40-ի սահմաններում, Հառիճ գյուղի բնակիչ, 38-ամյա Արթուր Հակոբյանը իր կողմից վարած Skoda մակնիշի NNK 1511 համարանիշի ավտոմեքենայով Բաղրամյան 28 հասցեում բախվել է էլեկտրասյանը:
Ըստ ֆոտոլրագրողի տեղեկությունների՝ վիրավորների մեջ են ՀՀ արդարադատության նախարարության Արթիկ քրեակատարողական հիմնարկի աշխատակիցներ:
Մանրամասները՝ shamshyan.com-ում