Այսօր Ռուսաստան-Բելառուս միութենական պետության գլխավոր քարտուղար Պավել Բորոդինը Interfax գործակալությանն ասել է, որ արդեն որոշված է Բելառուսին Ռուսաստանից С-400 «Տրիումֆ» հրթիռային համակարգերի տրամադրման հարցը: «Նրանք կտեղակայվեն Բելառուսի և Ռուսաստանի տարածքներում: Մենք ունենք մեկ տարածք և չունենք սահմաններ»,- ասել է Բորոդինը:
Բորոդինը նաև խոսել է Ռուսաստանի և Բելառուսի միջև պաշտպանական ոլորտում համագործակցության մասին՝ նշելով, որ այն դինամիկ զարգացում է ապրում: «Բոլոր համագործակցային կապերը վերականգնված են: 45-83% պահեստամասերը Բելառուսը ստանում է Ռուսաստանից»,- ասել է նա:
Հիշեցնենք, որ մայիսին Ռումինիան հաստատել է, որ հակահրթիռային համակարգի տեղակայման մասին որոշման շրջանակներում իր տարածքում տեղադրում է ամերիկյան ռազմաբազաներ: Այս տեղեկությունը բացասաբար է ընդունվել Ռուսաստանում: