Ներաձուրիների կիսապաշտպան Ուեսլի Սնեյդերը հայտարարել է, որ «Ինտեր»-ը ճգնաժամի մեջ է, բայց ինքը համոզված է, որ մոտ ապագայում միլանյան թիմը կհաղթահարի բոլոր պրոբլեմները:
«Մաուրինյոն անցյալում է, մենք պիտի մտածենք ապագայի մասին, մենք պիտի հաղթահարենք բոլոր դժվարություները: Իսկ ինչ վերաբերում է ինձ, կրկին պիտի սկսեմ ելույթներս բարձր մակարդակի վրա: Փոքր-ինչ դադարը օգնեց ինձ, որպեսզի վերականգնվեմ»,- ասել է Սնեյդերը, որը գլխի ցավերի պատճառով բացակայում էր անցած տուրի հանդիպմանը:
«Ճիշտ է, մենք այնքան էլ լավ վիճակում չենք, սակայն դա ունի իր պատճառները: Մեր անցած մրցաշրջանը ուղղակի ֆանտաստիկ ստացվեց, և դա դեռևս չի մոռացվում:
«Ինտեր»-ի իսկական երկրպագուները ոչ մի դեպքում չեն սուլի իրենց խաղացողներին, հատկապես այն ժամանակ երբ թիմը գտնվում է ճգնաժամում»,-ավելացրել է նա:
«Ես ցանկություն չունեմ պարտվել դերբիում, որովհետև առաջին անգամ «Ինտեր»-ի մարզաշապիկով խաղադաշտ դուրս եկա հենց «Միլան»-ի հետ դերբիում»,- նշել է Սնեյդերը : «Այժմ շարունակում եմ պատրաստվել խաղին, բայց, ամեն դեպքում, ինձ շատ կօգնի «Ինտեր»-ի երկրպագուների և Ռաֆա Բենիտեսի աջակցությունը: Նա բարձրակարգ մարզիչ է, ինչպես Մաուրինյոն»: