Վրացական News Georgia կայքի փոխանցմամբ, սկսվել է Վրաստանի նախագահ Միխեիլ Սաակաշվիլիի առաջին պաշտոնական այցը Հունգարիա: Այս մասին հայտարարել է նախագահական ապարատի մամլո ծառայությունը: Սաակաշվիլին Վրաստանին աջակցելու համար շնորհակալություն է հայտնել իր հունգարացի գործընկերոջը և նրան սուր նվիրել:
Նշվում է, որ Հունգարիայում Սաակաշվիլին նախ այցելել է Կիշկորոշ քաղաք և ծաղիկներ դրել վրաց ու աբխազ բանաստեղծներ Գրիգոլ Աբաշիձեի ու Բագրատ Շինկուբայի հուշարձանին:
Սաակաշվիլին հանդիպումներ է ունենալու նաև Հունգարիայի վարչապետի, խորհրդարանի խոսնակի և գործարար շրջանակների հետ:
Մեկնաբանելով Սաակաշվիլիի հունգարական այցը` Վրաստանի փոխարտգործնախարար Նինո Կալանդաձեն հայտարարել է, որ դա շատ կարևոր այց է, քանի որ Եվրոպայում Հունգարիան Վրաստանի մեծ երկրպագուն ու լոբբիստն է:
Կալանդաձեն հավելել է, որ այցի շրջանակներում Բուդապեշտում բացվելու է վրաց մեծ բանաստեղծ Շոթա Ռուսթավելիի հուշարձանը, և կենտրոնական հրապարակներից մեկն անվանվելու է նրա անունով:
