Երեկ հայտարարվել է «Եվրոպայի տարվա թանգարանը»: Այդպիսի պատվի արժանացել է Բելգիայի Թոնգերեն քաղաքի գալլա-հռոմեական թանգարանը: Այս մասին հաղորդում է RIA-Novosti գործակալությունը:
Այս թանգարանը ստեղծվել է 1954 թ., սակայն, ըստ Եվրոպայի թանգարանային ֆորումի կայքի, Թոնգերենի պատմությունը սկսվում է 19-րդ դարի կեսերից: Հենց այս ժամանակ է Թոնգերենի պատմական և հնագիտական թագավորական կազմակերպությունը սկսել իրականացնել պեղումներ և հավաքել իրեր, որոնք կապ ունեն տարածաշրջանի պատմության հետ: Առաջին անգամ հավաքածուն ցուցադրվել է 1854 թ.:
2006 թ. սկսվել է թանգարանի նոր շենքի կառուցումը, և հենց դրա շնորհիվ թանգարանը ստացել է «Եվրոպայի տարվա թանգարան» մրցանակը: Ըստ մրցույթի կանոնների՝ մրցանակը կարող է ստանալ միայն թանգարանը, որի բացումը տեղի է ունեցել ոչ ուշ, քան երկու տարի առաջ կամ որը վերջին երկու տարվա ընթացքում արդիականացվել է:
«Եվրոպայի տարվա թանգարան» մրցանակը շնորհվում է 1977 թվականից: Այն հիմնադրվել է հնագետ Քենեթ Հադսոնի կողմից: 2010 թ. մրցանակը ստացել է գերմանական Շտրալզունդ քաղաքի Ozeaneum ակվարիում-թանգարանը: