Այսօր Ազգային ժողովի շենքի դիմաց կայացավ «Բողոք 1000 դրամ թալանի դեմ» ակցիան:
Ազգային ժողովն այսօր առաջին ընթերցմամբ քննարկում է Հայաստանի Հանրապետության պաշտպանության ժամանակ զինծառայողների կյանքին կամ առողջությանը պատճառված վնասների հատուցման մասին օրենքի նախագիծը: Ակցիայի մասնակիցները պատգամավորներին հորդորում են հրաժարվել նախագծի ընդունումից:
Ակցիայի կազմակերպիչներից Արթուր Սաքունցը լրագրողների հետ զրույցում նշեց. «Օրենքի նախագիծը փորձում են ընդունել արագացված ընթացակարգով: Ըստ էության, դա նաև օրենքի խախտում է, քանի որ ցանկացած օրենքի նախագիծ մինչև ԱԺ ներկայացնելը պետք է հանրային քննարկում անցնի, որ հասարակության ակտիվ հատվածն իր ասելիքն ասի: Հիմա մենք այստեղ ենք հանրային քննարկում իրականացնելու համար»:
Արթուր Սաքունցը ներկայացրեց իր հաշվարկները, որոնց համաձայն 1000 դրամ հարկատեսակը սահմանելու դեպքում տնտեսվում է այնքան գումար, որքան ստվերային տնտեսության շրջանառության 0.4 տոկոսն է.
«Այսինքն, եթե ստվերային տնտեսության ծավալը 0.4 տոկոսով կրճատվի, այդ հարցը կլուծվի: Այսինքն՝ հարկերը չեն կարողանում գանձել, ընդ որում՝ մեզ պես մարդիկ չեն ստվերային տնտեսությունում: 200 հազար դրամ ստացողն այդ ստվերային տնտեսության մեջ ընդհանրապես չի կարող տեղ ունենալ:
Դուրս է գալիս, որ մարդիկ ստվերային տնտեսության ծավալը մեկ տոկոսով էլ չէ, այլ 0.4 տոկոսով էլ կրճատել չեն կարողանում: Որովհետև ստվերային տնտեսությունն ամբողջությամբ ընկնում է իրենց վրա, ովքեր որ դղյակներ են կառուցում, ովքեր որ մեկ մլն դոլարանոց տներ են գնում»:
Մանրամասները՝ տեսանյութում: