ՀՀՇ կուսակցության վարչության նախագահ Արարատ Զուրաբյանը և ՀՀԿ փոխնախագահ Արմեն Աշոտյանն «Առաջին լրատվական»-ի «Դիսկուրս» հաղորդաշարի շրջանակներում քննարկեցին վերջին շրջանի միջազգային կարևոր իրադարձությունը՝ ԱՄՆ նախագահական ընտրությունները:
«Հետընտրական հումորների և երգիծանքի պակաս չէր զգացվում, ինչը ապացուցում էր, որ Թրամփի հաղթանակն անսպասելի էր: Կատակեցի նաև ես՝ ասելով, որ Թրամփի հաղթանակը մեր Վանաձորի և Գյումրիի հաղթանակի տրամաբանական շարունակությունն էր»,- նշեց ՀՀԿ փոխնախագահ Արմեն Աշոտյանը:
Անդրադառնալով հարցին, թե արդյոք «Հանրապետական» կուսակցության հաղթանակը պայմանավորված էր նրանով, որ ժողովուրդը հոգնել է դեմոկրատների իշխանությունից, Ա. Աշոտյանը նշեց. «Աշխարհի քաղաքականությունը փոխվում է աշխարհին զուգահեռ, փոխվում է քաղաքականություն վարելու, քաղաքական տեխնոլոգիաների բազմաթիվ ավանդույթներ: Հանրապետականների հաղթանակը նաև քաղաքական տեխնոլոգիաների հաղթանակ էր:
Գրեթե ամբողջ դասական ամերիկյան և եվրոպական մամուլով Թրմափը բացասական էր ներկայացվում, արևմտյան աշխարհի դասականների, իշխանավորների աչքերում Թրամփն այն «բոբոն» էր, որի դեմ պետք էր համախմբել ընտրազանգված և ապահովել դեմոկրատների հաղթանակը: Ակնհայտ է, որ մարդիկ հոգնել են դասական քաղաքակնությունից և դասական քաղաքական գործիչներից»:
Արարատ Զուրաբյանի դիտարկմամբ՝ այն, ինչ տեղի ունեցավ պոպուլիզմի հաղթարշավ էր, և դրա պատճառը ոչ թե այն է, որ հասարակությունը հոգնել է դասական ձևաչափից, այլ տեղի է ունեցել մեկ այլ բան. «Դեռևս Խորհրդային Միության փլուզումից ի վեր քաղաքական բաժանումը, ըստ ճամբարների, որոշակի անկում է ապրել և դասական քաղաքանությամբ զբաղվողները դեռևս չեն կարողացել գտնել այն հարթությունը որտեղ իրենք պետք է տեղավորվեն:
Անցել են ժամանակներ, փոխվել են հասարակությունները, փոխվել են մարդիկ, մարդիկ դիմացինի մեջ բացասական կողմեր տեսնում են, բայց նրա մեջ թշնամի չեն տեսնում»:
«Թրամփը օտգվեց նրանից, որ իր վրա հարձակումը մեծ էր՝ հենց պոպուլիզմի մեջ մեղադրելու առումով, և նա կարողացավ կրկնակի օգտագործել իր պոպուլիզմը, ցույց տալու համար, որ այս մարդիկ անելիք չունեն, որովհետև չեն կարողանում լուծել առկա խնդիրները:
Կարծում եմ ԱՄՆ նորընտիր նախագահը կհագնի այն հանդերձանքը, որը բնորոշ է քաղաքակիրթ աշխարհի ստանդարտներին»,- նշեց Ա. Զուրաբյանը:
Նա նաև ընդգծեց, որ իրավիճակները տարբեր են մեզ մոտ և ԱՄՆ-ում կամ Եվրոպայում. «Մենք դեռևս մեր «սարերում» ենք»:
Մանրամասները՝ տեսանյութում:
