«Առաջին լրատվական»-ի տեղեկություններով, ՀՀ Արդարադատության նախարար Հրայր Թովմասյանն աշխատանքից ազատել է ՀՀ նոտարիատի բաժնի պետ, ՀՀ վաստակավոր իրավաբան Մարիամ Գաբոյանին։ Գաբոյանն այդ պաշտոնը զբաղեցնում է 20 տարուց ավելի՝ 1990 թ.-ից, իսկ այդ բաժնում աշխատում է արդեն 32 տարի։
Հիշեցնենք, որ Հրայր Թովմասյանը այս տարի հունվարին, պաշտոնն ստանձնելուն պես ասել էր, որ չկան անլուծելի խնդիրներ, և ցանկացած խնդիր ունի իր լուծումն այս կամ այն ժամկետում։
Չնայած բազմաթիվ հրապարակումներին՝ Մարիամ Գաբոյանն ասուլիսներից մեկում չէր ընդունում, որ նոտարական համակարգում կոռուպցիա կա։
Ի դեպ, 2010 թ. աշնանը, երբ ԱՄՆ-ում բացահայտվեց հայկական հանցավոր խումբը՝ հայտնի «օրենքով գող» Պզոյի գլխավորությամբ ու հրապարակում եղավ, թե ԱՄՆ-ի դաշնային հետաքննությունների բյուրոյի ներկայացուցիչները պետք ուսումնասիրություններ կատարեն Հայաստանի նոտարական գրասենյակներում։
ԱՄՆ իրավապահներին հետաքրքրում էր հանցավոր խմբի անդամների՝ Հայաստանում ձեռք բերված թանկարժեք բնակարանների, գրասենյակների, առանձնատների նոտարական ձևակերպումների օրինականությունը։
