Հայաստանի ամբողջ սպառազինությունը թարմացնելու համար 30 մլրդ դոլար է անհրաժեշտ: Այս մասին «Տեխնո-ուրբաթը Գյումրիում» հանդիպմանը ասել է ՀՀ պաշտպանության նախարարության մամուլի խոսնակ Արծրուն Հովհաննիսյանին:
Հանդիպման նպատակը բանակի սպառազինման խնդիրների բարեփոխումների քննարկումն էր:
Նախարարության խոսնակը կարևորել է բանակում բարձրորակ կադրերի առկայությունը:
«Մենք ավելի շատ ուշադրություն ենք դարձնում, որ մեր սերժանտը, սպան և այլ բարձրաստիճան զինվորականը կիրթ լինի, ճիշտ որոշումներ կայացնի, քան ուշադրություն ենք դարձնում, որ Տ-90 տանկ առնենք: Երբ բավարար ռեսուրսներ չկան, մտածում ենք եղածն էֆեկտիվ օգտագործելու մասին:
Ապրիլյան պատերազմի ժամանակ, երբ համացանցում հայտնվեց մի տեսանյութ, որտեղ գյումրեցի սերժանտը դիրք էր կառավարում` քննադատվեց: Շատերը ասացին, որ հրաման չի եղել, բայց ուշադրություն չդարձրեցին մի կարևոր հանգամանքի վրա` տեղի է ունենում գործողություն: Այսինքն, հայկական կողմը իրազեկված է: Մեկ սերժանտ շատ հմուտ կառավարում էր մարտը»,- ասել է Հովհաննիսյանը: