Ֆրանսիայի կառավարությունը մտադիր է 2014 թ. 5 մլրդ եվրո հատկացնել երկրի աղքատ շրջաններում նոր աշխատատեղերի ստեղծմանն ու բնակարանային պայմանների լավացմանը:
Նման օրենսդրական նախագիծը հրապարակել է երկրի նախագահ Ֆրանսուա Օլանդը:
Միջոցները նախատեսվում է ուղղել 230 առավել կարիքավոր շրջաններին, հայտնում է Interfax-ը:
Միլիոնավոր քաղաքացիներ, որոնցից շատերը նախկին ֆրանսիական գաղութների բնակիչներ են, ապրում են երկրի խոշոր քաղաքների ծայրամասերում, որտեղ հաճախ են տեղի ունենում անկարգություններ:
Փորձագետների խոսքերով՝ Ֆրանսիայի նախագահը մտադիր է դրանով ցույց տալ, որ նրանց խնդիրների լուծումն առաջնային է:
Օրինագիծը, ինչպես սպասվում է, Ֆրանսիայի խորհրդարանի քննարկմանը կդրվի աշնանը:
