Twitter-ի օգտատերերը ԱՄՆ նախագահի թեկնածու հանրապետական Դոնալդ Թրամփին կասկածել են մանկապղծության մեջ՝ այն բանից հետո, երբ համացանցում հիշատակվել է Թրամփի 2003թ. հարցազրույցը, որում նա խոսել է Փերիս Հիլթոնի գրավչության մասին: Այս մասին հայտնում է The Huffington Post-ը:
Զրույցի ժամանակ 13 տարի առաջ Թրամփն ասել է, որ աղջկան առաջին անգամ հանդիպել է, երբ նա 12 տարեկան էր (1993թ.): «Նրա ծնողներն իմ լավ ընկերներն են: Երբ նա սենյակ մտավ, ես հարցրի. «Սատանան տանի, ո՞վ է նա»»,- պատմել է միլիարդատերը:
Հարցին ի պատասխան՝ արդյոք կուզենա՞ր Հիլթոնի հետ ինտիմ կապ ունենալ, Թրամփն ասել է, որ «դրանով հետաքրքրված չի եղել», բայց Հիլթոնը «հիասքանչ էր»: Թրամփը նաև խոստովանել է, որ դիտել է Փերիսի տնային սեքս-տեսանյութը, թեև այդպիսի կադրերը զզվելի է համարում:
