Հոկտեմբերի 1-ից չինական յուանը ներառվել է Արժույթի միջազգային հիմնադրամի պահուստային արժույթների զամբյուղ։ Փաստացի ԱՄՀ-ն ճանաչել է չինական արժույթի և երկրի տնտեսության աճող նշանակությունը, ինչպես նաև գնահատել ֆինանսական ոլորտի բարեփոխումները, որոնք անցկացնում են Չինաստանի իշխանությունները։
Խոսքն արժույթների զամբյուղի մասին է, որոնցից ելնելով հաշվարկվում է ԱՄՀ փոխառնման հատուկ իրավունքների (SDR) արժեքը։ Դա վճարային միջոց է, որը թողարկում է ԱՄՀ-ն, և որը չի վաճառվում ֆինանսական շուկաներում։ SDR-ն կիրառվում է հիմնադրամի և նրա անդամների միջև հաշվարկի համար։ Արժութային զամբյուղի կազմից է կախված SDR-ի փոխարժեքը և այն, թե երկիրը ինչ արժույթով կստանա օգնություն։
Յուանից բացի՝ ԱՄՀ պահուստային արժույթների մեջ են մտնում դոլարը, եվրոն, ճապոնական իենը և բրիտանական ֆունտը։ Զամբյուղում առավել մեծ կշիռ ունեն դոլարն ու եվրոն։
