Facebook սոցիալական ցանցը շուտով կարող է ձեռք բերել սեփական փոստային ծառայությունը` Project Titan կոդային անվանմամբ: Դրա շնորհանդեսը ակնկալվում է նոյեմբերի 15-ին Facebook-ի մամուլի ասուլիսի ժամանակ, հաղորդում է TechCrunch-ը:
Մամուլին հղված հրավերները չեն պարունակում ավելի հստակ տեղեկություն այն մասին, թե ինչ է ակնկալվում երկուշաբթի օրը: Սակայն հրավիրատոմսի վրա պատկերված է Facebook-ի փոստարկղի նշանը: Դա թույլ է տալիս ենթադրել, որ խոսքը լիարժեք փոստային ծառայություն ստեղծելու մասին է:
TechCrunch-ը ենթադրում է, որ եթե Facebook-ն իսկապես ներկայացնի սեփական փոստային ծառայությունը, ապա այն կարող է իրական մրցակցություն ստեղծել արդեն գոյություն ունեցող առաջատար ծառայություններին, նախևառաջ` Gmail-ին:
Facebook-ի և Google-ի մրցակցությունը վերջին ժամանակներս սկսում է ավելի կատաղի բնույթ կրել, մանավանդ այն բանից հետո, երբ Google-ը անցած շաբաթ արգելեց Facebook-ին օգտագործել Gmail-ի կոնտակտային ցանկերը` նոր գրանցվածներին §սոցիալիզացնելու¦ նպատակով:
Այժմ երկու գերհսկաների հերթական բախումը կարող է տեղի ունենալ փոստային ծառայությունների մատուցման հողի վրա: Հիշեցնենք, որ ավելի վաղ Google-ն էր առաջինը մուտք գործել Facebook-ի տիրույթ` ստեղծելով իր Buzz ծառայությունը, որը Facebook-ի և Twitter-ի յուրահատուկ խառնուրդ է:
