Սաուդյան Արաբիան պատրաստ է նավթի արդյունահանումը նվազեցնել մինչև հունվարի մակարդակին, եթե Իրանը արդյունահանումը սառեցնի մինչև 3.6 միլիոն բարել օրական մակարդակին, RIA Novosti-ին հայտնել է ալժիրյան պատվիրակությունից բարձրաստիճան պաշտոնյան:
«Նախ այն բանը, որ մեզ հաջողվել է միասին հավաքելու այս երկրներին՝ բացառությամբ ԱՄՆ-ի, երկրներ, որոնք համաշխարհային արենայում հանդիսանում են ամենախոշոր նավթ արդյունահանողները, դա նվաճում է: Տեղի ունեցած քննարկումների ամենակարևոր թեմաներից մեկը դարձավ Սաուդյան Արաբիայի և Իրանի խնդիրը: Սաուդյան Արաբիան հայտարարեց, որ պատրաստ է նվազեցնել արդյունահանումը և վերադառնալ հունվարի թվերին, եթե Իրանը մնա 3․6 միլիոն բարել օրական մակարդակի վրա: Ներկայումս ալժիրյան պատվիրակությունը ջանում է մոտեցնել նրանց տեսակետները: Սակայն դա շատ դժվար է, քանի որ Իրանը ցանկանում է վերադառնալ օրական 4 միլիոն բարելին»,- ասել է աղբյուրը:
Ալժիրում սեպտեմբերի 26-28-ին տեղի է ունենում Միջազգային էներգետիկ ֆորում: Այդ միջոցառման շրջանակներում պլանավորված է ՕՊԵԿ-ի երկրների ոչ պաշտոնական հանդիպում: