Եթե պատժելիության մթնոլորտ լինի երկրում, և ցանկացած իրավախախտում, այդ թվում հանցագործություն կատարողն իմանա, որ անպատիժ չի մնա, եթե բոլորն օրենքի առաջ լինեն հավասար, ապա և՛ Էջմիածնի դեպքերը արագ կբացահայտվեն, և՛ նաև դրան չէին հաջորդի այսպիսի դեպքեր,- «Առաջին լրատվական»- ի հետ զրույցում, անդրադառնալով Գյումրիում և Էջմիածնում տեղի ունեցած հայտնի միջադեպերին՝ ասաց «Թրանսփերենսի ինթերնեյշնլ» հակակոռուպցիոն կենտրոնի իրավախորհրդատու Հերիքնազ Տիգրանյանը:
«Բոլոր կուսակցությունները հայտարարել են իրենց քարոզարշավը դադարեցնելու մասին, բայց նաև ընտրական օրենսդրությունը չունի ընտրությունները հետաձգելու վերաբեյալ կարգավորում: Միայն նախագահի ընտրությունների դեպքում է դա հնարավոր»,- նկատեց իրավախորհրդատուն:
«Նախընտրական շրջանում մրցակցության ընթացքում եթե արդեն առկա են առողջությանը, կյանքին սպառնացող վտանգաներ, թեկուզ լինեն հոգեբանական ճնշումներ, սպառնալիքներ, իրավապահ մարմինները պետք է միջոցներ ձեռնարկեին անձի անվտանգությունն ապահովելու ուղղությամբ, ինչը չի արվել: Եվ եթե ԲՀԿ կուսակցության հայտարարությունները մնացել են անհետևանք, ապա կա՛մ իրավապահ մարմինները պատշաճ չեն եղել իրենց գործառույթներն իրականացնելիս, կա՛մ ուղղակի անտեսել են կուսակցության անգամ առաջին դեմքին հայտարարությունները: Եթե մամուլով, հրապարակային տրվում է նման սապռնալիքների մասին հայտարարություն, դա պետք է դիտվեր որպես հաղորդում հանցագործության մասին: Ցավոք, մենք տեսնում ենք, որ միշտ չէ, որ կանխարգելիչ գործառույթներ են իրականացվում»,-ընդգծեց Հ. Տիգրանյանը:
Մանրամասները՝ տեսանյութում:
