Ռուսական Эхо Москвы ռադիոկայանանին տված հարցազրույցի ժամանակ Միջազգային ճգնաժամային խմբի (ICG) փոխնախագահ Ալեն Դելենտրոզն անդրադարձել է Հարավային Կովկասի հակամարտությունների կարգավորմանը.
«Մեզ մտահոգում է Հարավային Կովկասում առկա հակամարտությունների կարգավորման խնդիրը: Հարաբերական կայունություն է տիրում Վրաստանում: Ես չեմ կարծում, թե հետագա տարիներին այնտեղ պետք է սպասել մեծ պայթյունների:
Իրավիճակն այլ է Լեռնային Ղարաբաղի շուրջ: Այնտեղ առաջին հերթին գրեթե ամեն շաբաթ միջադեպեր են գրանցվում: Մինսկի խմբի շրջանակներում առաջընթաց չի գրանցվում, քանի որ հակամարտող կողմերից մեկն ասում է, որ հենց այդ մի սկզբունքը չի ցանկանում ընդունել և ընդհակառակը:
Տվյալ պահին Հայաստանի քաղաքական դաշտն այնքան էլ դրական վիճակում չէ, որ Հայաստանի նախագահը կարողանա առաջընթաց գրանցել այդ հարցում:
Եթե Հայաստանի նախագահը Ղարաբաղի հարցում փոխզիջման գնա, կարծում եմ, որ այդ դեպքում նրա համար շատ բարդ կլինի հաղթել հաջորդ նախագահական ընտրություններում: Ադրբեջանում իրավիճակն այլ է. այնտեղ գոյություն չունի ուժեղ ընդդիմություն:
Երկու երկրներում հասարակական կարծիքը փոխզիջումների հարցում դարձել է շատ անհանդուրժող: Նրանք չեն ընդունում անգամ ամենաաննշան փոխզիջումները, ինչպիսիք են, ասենք, անգամ բանակցությունների սեղանի շուրջը նստելը:
Իսկ առանց փոխզիջումների՝ խաղաղությունն անհնար է: Այնպես որ, փակուղային իրավիճակ է առաջացել, և շատ բան կախված է հասարակական կարծիքի փոփոխման վրա տարվելիք աշխատանքներից: Հասարական կարծիքը պետք է պատրաստել փոխզիջումների»: