«Կարծում եմ՝ մենք կորցրել ենք մեր տեսլականը,- «Առաջին լրատվական»- ի հետ զրույցում ասաց Հանրային խորհրդի նախագահ Վազգեն Մանուկյանը: -Շարժումը, որ սկսվեց, ունեինք տեսլական և համոզված էինք, որ ավելին կարող ենք ավելին անել, քան անում էինք Խորհրդային Միությունում: Ներքին ոգևորությունը, սպասումը, որ մենք ավելին ենք, քան մյուսները, ոչ թե արհամարհելով մյուսներին, այլ գնահատելով մեզ, ոգևորություն էր առաջացնում: Շատերի համար երազանքը կորավ, մնաց ուղղակի սովորական ապրելը. այդպես պեություն չեն կառուցում: Եթե չկա տեսլական, ապա պարզ չէ թե ուր ես գնում»:
Վազգեն Մանուկյանի խոսքով՝ անկախությունը քո ձեռքից կարող են վերցնել, կամ դու կարող ես այն դարձնել անպետքական. «Կան պետություններ, որ տասնյակ տարիներով չարքաշ ապրում են: Տեսլական ունենալը նպաստում է, որպեսզի պետությունը մեծ քայլերով, արագորեն կարողանա առաջ գնալ: Տեսլականի կորուստը շատ վտանգավոր է: Անկախությունը այն էությունն է որի մեջ ապրում ես, անկախությունը հնարավորություն է՝ ինքնուրույն կառուցելու կյանքը»:
Մանրամասները՝ տեսանյութում:
