Ռուսական RIA Novosti լրատվական գործակալության փոխանցմամբ՝ իսրայելցի ու ամերիկացի հնագետները Սիոն լեռան վրա հայտնաբերել են Ներոն կայսեր ժամանակներին թվագրվող բացառիկ ոսկեդրամ, որը կարող էր պատկանել հուդայական հոգևորականներից մեկին, որի տունն ավերվել է հռոմեական ջարդերի ժամանակ:
Այդ մասին հայտնել է Հյուսիսային Կարոլինայի համալսարանի մամլո ծառայությունը: Համալսարանի ներկայացուցիչներից Շիմոն Գիբսոնը հայտարարել է, որ հայտնաբերված դրամը մեծ արժեք է ներկայացնում, և նրա տերը հազիվ թե դեն է նետել այն, կամ էլ պատահաբար կորցրել է:
Գիբսոնն առավել հավանական է համարել, որ ոսկեդրամը հայտնաբերվել է այն ժամանակ Երուսաղեմում հռոմեացիների գործողությունների հետևանքով առաջացած քաոսից տուժած շինությունների մոտ:
